പൂക്കാട്: ചേമഞ്ചേരി യു.പി സ്‌കൂളിലെ കുട്ടികള്‍ക്ക് വേണ്ടി ഏകദിന പഠന ക്യാമ്പ് കളിപ്പന്തല്‍ സംഘടിപ്പിച്ചു. പരിപാടി ഗ്രാമപഞ്ചായത്ത് പ്രസിഡണ്ട് സതി കിഴക്കയില്‍ ഉദ്ഘാടനം ചെയ്തു. കുട്ടികളുടെ കഴിവുകള്‍ വര്‍ദ്ധിപ്പിക്കാന്‍ ഇത്തരം ക്യാമ്പുകള്‍ക്ക് സാധിക്കാറുണ്ടെന്ന് പ്രസിഡണ്ട് അഭിപ്രായപ്പെട്ടു.

പന്തലായനി ബി.പി.സി മധുസൂദനന്‍ സാര്‍ മുഖ്യാതിഥിയായി. സ്‌കൂളിന്റെ പൂര്‍വ്വ വിദ്യാര്‍ത്ഥി കൂടിയായ മധുസൂദനന്‍ സാറിന്റെ പൂര്‍വ്വ കാല അനുഭവങ്ങള്‍ കുട്ടികളില്‍ ഏറെ ആനന്ദമാക്കി. പ്രധാനാധ്യാപകന്റെ ചുമതല വഹിക്കുന്ന കെ.കെ. ശ്രീഷു അധ്യഷത വഹിച്ചു. പന്തലായനി ബി.ആര്‍.സി ട്രൈനര്‍ വികാസ്, ബിജു കാവില്‍, വി.മുഹമ്മദ് ഷരീഫ്, എസ്.ഷീജ, റഹീം ഫൈസി, ആസിഫ് കലാം, പി.ലാലു പ്രസാദ് എന്നിവര്‍ സംസാരിച്ചു.

നാടകാചാര്യന്‍ സത്യന്‍ മുദ്ര നയിച്ച ആദ്യ സെഷന്‍ നാടകക്കളരി കുട്ടികളുടെ അഭിനയ പാടവം പുറത്തെടുത്തു. പന്തലായനി ബി.ആര്‍.സിയിലെ ഷൈമ, അജിത എന്നിവര്‍ നേതൃത്വം നല്‍കിയ രണ്ടാം സെഷന്‍ ഒറിഗാമി കടലാസു പേപ്പറുകള്‍ കൊണ്ട് വിവിധ സാമഗ്രികള്‍ നിര്‍മ്മിക്കാനുള്ള കഴിവുകള്‍ നേടിയെടുക്കുന്നതില്‍ കുട്ടികള്‍ക്ക് എളുപ്പമാക്കി. ബിജു അരിക്കുളം നയിച്ച മൂന്നാം സെഷന്‍ നാടന്‍ പാട്ട് കുട്ടികളെ ആവേശത്തിന്റെ കൊടുമുടിയില്‍ എത്തിച്ചു.

നാലാമത്തെ സെഷന്‍ ജോര്‍ജ് കെ.ടി സാറിന്റെ വാനനിരീക്ഷണം ക്ലാസ് കുട്ടികള്‍ക്ക് ഏറെ കൗതുകമായി .
അവസാനം കൃസ്മസ് കരോളും ക്യാമ്പ് ഫയറോട് കൂടെ ക്യാമ്പ് അവസാനിപ്പിച്ചു. ഷംന, നസീറ, സുഹറ, സഫിയ, മിദ്ലാജ്, അനുദ, ശ്രീജ, റലീഷ ബാനു എന്നിവര്‍ ക്യാമ്പിന് നേതൃത്വം നല്‍കി.

Summary: Chemanchery UP School with one day study camp