അരങ്ങാടത്ത് പതിനാലാം മൈല്‍സില്‍ കാര്‍ നിയന്ത്രണംവിട്ട് ടിപ്പര്‍ ലോറിയിലിടിച്ച് അപകടം; വന്‍ ഗതാഗതക്കുരുക്ക്
കൊയിലാണ്ടി: അരങ്ങാടത്ത് പതിനാലാം മൈല്‍സില്‍ കാര്‍ നിയന്ത്രണംവിട്ട് ടിപ്പര്‍ ലോറിയില്‍ ഇടിച്ച് അപകടം. ഇന്ന് ഉച്ചയ്ക്ക് 12.45 ഓടെയാണ് സംഭവം. കൊയിലാണ്ടി ഭാഗത്തേയ്ക്ക് മണല്‍ കയറ്റി പോവുകയായിരുന്ന ടിപ്പര്‍ ലോറിയില്‍ കൊയിലാണ്ടിയില്‍ നിന്നും കോഴിക്കോട് ഭാഗത്തേയ്ക്ക് പോവുകയായിരുന്ന സ്വിഫ്റ്റ് കാര്‍ നിയന്ത്രണംവിട്ട് ഇടിക്കുകയായിരുന്നു.
അപകടത്തില്‍ ആര്‍ക്കും പരിക്കേറ്റിട്ടില്ല. ഇടിയുടെ ആഘാതത്തില്‍ ലോറിയുടെ പിറക് വശത്തെ വീല്‍പൊട്ടി ലോറി റോഡ് സൈഡിലേയ്ക്ക് മറിഞ്ഞു. നിലവില്‍ സ്ഥലത്ത് വലിയ ഗതാഗതക്കുരുക്കാണ്. ഒരുഭാഗത്തുകൂടെയാണ് വാഹനങ്ങള്‍ കടത്തിവിടുന്നത്. ഇതുകൊണ്ടു തന്നെ വലിയ ബ്ലോക്കാണ് നേരിടുന്നത്. ഹൈവേ പോലീസ് സംഭവ സ്ഥലത്തെത്തി ഗതാഗതം പുനസ്ഥാപിക്കുന്നു.
