ദേശീയപാതയില്‍ ചേമഞ്ചേരിയില്‍ വാഹനാപകടം; അപകടത്തില്‍പ്പെട്ടത് 108 ആംബുലന്‍സും ഹോണ്ട സിറ്റി കാറും
കൊയിലാണ്ടി: ചേമഞ്ചേരിയില്‍ ആംബുലന്‍സും കാറും കൂട്ടിയിടിച്ച് അപകടം. ഇന്ന് പുലര്‍ച്ചെ മൂന്നയോടെയായിരുന്നു സംഭവം.
ദേശീയപാതയ്ക്ക് സമീപം പൂക്കാട് വെച്ച് കനിവ് 108 ആംബുലന്‍സും ഹോണ്ട സിറ്റി കാറും കൂട്ടിയിടിക്കുകയായിരുന്നു. അപകടത്തില്‍ ആര്‍ക്കും പരിക്കില്ലെന്ന് പൊലീസ് കൊയിലാണ്ടി ന്യൂസ് ഡോട് കോമിനോടു പറഞ്ഞു.
വിവരം കിട്ടിയതിനെ തുടര്‍ന്ന് അഗ്‌നിരക്ഷാസേന കൊയിലാണ്ടിയില്‍ നിന്നും സ്ഥലത്തെത്തുമ്പോള്‍ യാത്രക്കാരെ ആശുപത്രിയിലേക്ക് മാറ്റിയിരുന്നു. കൊയിലാണ്ടി പൊലീസ് സ്ഥലത്തെത്തി.