​ഗ്രീൻ ആപ്പിളിൽ ധാരാളം പോഷക​ഗുണങ്ങൾ അടങ്ങിയിരിക്കുന്നു. ഗ്രീൻ ആപ്പിൾ കഴിക്കുന്നത് ടൈപ്പ് 2 പ്രമേഹം വരാനുള്ള സാധ്യത കുറയ്ക്കുമെന്ന് പഠനങ്ങൾ പറയുന്നു. ആപ്പിളിലെ സംയുക്തങ്ങൾ പ്രമേഹ ലക്ഷണങ്ങളെ നിയന്ത്രിക്കാൻ സഹായിക്കുന്നതാണ്.

പച്ച ആപ്പിളിൽ ഉയർന്ന അളവിൽ നാരുകൾ അടങ്ങിയിട്ടുള്ളതിനാൽ ദഹനവ്യവസ്ഥയെ ആരോ​ഗ്യകരമാക്കുന്നു . കൂടാതെ, പച്ച ആപ്പിളിൽ ഇരുമ്പ് അടങ്ങിയിട്ടുണ്ട്. ഇത് ഓക്സിജനെ നന്നായി ആഗിരണം ചെയ്യുന്നതിനും സഹായിക്കുന്നു. കരളിന്റെ ആരോഗ്യത്തിനും ഗ്രീൻ ആപ്പിൾ വളരെ ഗുണം ചെയ്യും. ഇവയിൽ അടങ്ങിയിട്ടുള്ള ആന്റിഓക്‌സിഡന്റുകൾ കരളിന്റെ ആരോഗ്യം സംരക്ഷിക്കുകയും ചെയ്യുന്നു.

പച്ച ആപ്പിളിൽ പെക്റ്റിൻ എന്ന സംയുക്തം അടങ്ങിയിട്ടുണ്ട്. ഇത് കുടലിലെ ആരോഗ്യകരമായ ബാക്ടീരിയകളുടെ എണ്ണം വർദ്ധിപ്പിക്കുന്നിനും പ്രവർത്തിക്കുന്നു. ഇറിറ്റബിൾ ബവൽ സിൻഡ്രോമും മറ്റ് ദഹന പ്രശ്നങ്ങളുള്ള ആളുകൾ അവരുടെ ഭക്ഷണത്തിൽ കൂടുതൽ നാരുകൾ അടങ്ങിയ ഭക്ഷണങ്ങൾ ഉൾപ്പെടുത്തുക. ഓസ്റ്റിയോപൊറോസിസ് പോലുള്ള അസ്ഥി രോഗങ്ങൾ ഉള്ളവർ പതിവായി പച്ച ആപ്പിൾ കഴിക്കുന്നത് നല്ലതാണ്.

ശരീരഭാരം കുറയ്ക്കാൻ ശ്രമിക്കുന്നവർ ഡയറ്റിൽ ഉൾപ്പെടുത്തേണ്ട പഴമാണ് ​ഗ്രീൻ ആപ്പിൾ. അവയിൽ നാരുകൾ കൂടുതലായതിനാൽ വയറു നിറഞ്ഞതായി അനുഭപ്പെടും. അങ്ങനെ വിശപ്പിനെ നിയന്ത്രിക്കുകയും ചെയ്യും. കൂടാതെ, അവയിൽ കൊഴുപ്പ്, സോഡിയം, പഞ്ചസാര എന്നിവ കുറവാണ്. ആന്റിഓക്‌സിഡന്റുകളും വിറ്റാമിൻ സിയും ധാരാളമായി അടങ്ങിയിരിക്കുന്ന പച്ച ആപ്പിൾ ചർമ്മത്തിന് മികച്ചതാണ്. പഴങ്ങളിൽ അടങ്ങിയിരിക്കുന്ന വിറ്റാമിനുകൾ ചർമ്മത്തെ പോഷിപ്പിക്കുകയും നിറം മെച്ചപ്പെടുത്തുകയും ചെയ്യുന്നു.

Description: Can control diabetes; Know the benefits of green apple