അരിക്കുളം തണ്ടയില്‍ താഴെ ബസ് ഇലക്ട്രിക് പോസ്റ്റില്‍ ഇടിച്ച് അപകടം; അപകടത്തില്‍പ്പെട്ടത് പേരാമ്പ്രയിലേക്ക് പോകുന്ന ബസ്, വൈദ്യുതി വിതരണം തകരാറില്‍
അരിക്കുളം: അരിക്കുളത്ത് ബസ് ഇടിച്ച് പോസ്റ്റ് തകര്‍ന്നു. ചങ്ങരംവള്ളി തണ്ടയില്‍ താഴെ പെട്രോള്‍ പമ്പിന് സമീപമായിരുന്നു അപകടം.
കൊയിലാണ്ടിയില്‍ നിന്നും പേരാമ്പ്രയിലേക്ക് പോകുകയായിരുന്ന ഫായിസ് എന്ന ബസ് 11 കെ.വി പോസ്റ്റില്‍ ഇടിക്കുകയായിരുന്നു. രാവിലെ പതിനൊന്നരയോടെയായിരുന്നു സംഭവം. അപകടത്തില്‍ യാത്രക്കാര്‍ക്ക് പരിക്കില്ല.
അപകടത്തെ തുടര്‍ന്ന് പ്രദേശത്തെ വൈദ്യുതി വിതരണം തടസപ്പെട്ടു. തണ്ടയില്‍താഴെ, തിരുവങ്ങായൂര്‍, ഏക്കാട്ടൂര്‍, ചാലില്‍ പള്ളി, കുഞ്ഞാലിമുക്ക്, എ.കെ.ജി സെന്റര്‍ എന്നീ ആറ് ട്രാന്‍സ്‌ഫോമറുകളില്‍ വൈദ്യുതി വിതരണം തടസപ്പെട്ടെന്ന് കെ.എസ്.ഇ.ബി അറിയിച്ചു. കെ.എസ്.ഇ.ബി അധികൃതര്‍ സ്ഥലത്തെത്തി തകരാര്‍ പരിഹരിക്കാനുള്ള നടപടികള്‍ പുരോഗമിക്കുകയാണ്.