ബഡിംഗ് റൈറ്റേഴ്‌സ് വായനാക്കൂട്ടം എഴുത്തൂകൂട്ടം; ചുമതലക്കാരായ അധ്യാപകര്‍ക്കായി ഏകദിന ശില്പശാല
കൊയിലാണ്ടി: ബഡിംഗ് റൈറ്റേഴ്‌സ് ചുമതലക്കാരായ കൊയിലാണ്ടി ഉപജില്ലയിലെ അധ്യാപകര്‍ക്കായി ഏകദിന ശില്പശാല സംഘടിപ്പിച്ചു. പൊതുവിദ്യാഭ്യാസ വകുപ്പും സമഗ്രശിക്ഷയുടെയും നേതൃത്വത്തിലാണ് ശില്പശാല സംഘടിപ്പിച്ചത്.
5 മുതല്‍ 12 വരെ ക്ലാസ്സുകളിലെ കുട്ടികളെ ഉള്‍പ്പെടുത്തി രൂപീകരിച്ചവയാണ് ബഡിംഗ് റൈറ്റേഴ്‌സ് എഴുത്തുകൂട്ടം വായന കൂട്ടം എന്നിവ.
അധ്യാപകര്‍ക്കുള്ള ഏകദിന ശില്പശാല ജി.എച്ച്.എസ് പന്തലായനിയില്‍ നഗരസഭാ ക്ഷേമകാര്യ ചെയര്‍മാന്‍ കെ. ഷിജു ഉദ്ഘാടനം ചെയ്തു. വികാസ് സ്വാഗതവും ബി.പി.സി മധുസൂദനന്‍ അധ്യക്ഷതയും വഹിച്ചു. ഹെഡ്മിസ്ട്രസ് സഫിയ ടീച്ചര്‍ ആശംസകള്‍ നേര്‍ന്നു. ബിജുകാവില്‍ ക്ലാസ് നയിച്ചു. ജാബിര്‍, അനീഷന്‍ എന്നിവര്‍ സംസാരിച്ചു. ജനുവരി 31നകം എല്ലാ വിദ്യാലയങ്ങളിലും ഈ ശില്പശാല നടക്കും.