കീഴരിയൂര്‍: നടുവത്തൂരില്‍ ബേക്കറിക്ക് തീപിടിച്ചു. നടുവത്തൂര്‍ യു.പി സ്‌കൂളിന് സമീപം ഓപണ്‍ ബേക്‌സ് ഹോട്ട് ആന്റ് കൂള്‍ എന്ന കടയ്ക്കാണ് തീപിടിച്ചത്. രാവിലെ ജീവനക്കാര്‍ കട തുറക്കാനെത്തിയപ്പോഴാണ് തീപിടിച്ചത് മനസിലായത്.

കടയിലെ നിരവധി സാധന സാമഗ്രികള്‍ കത്തിനശിച്ചു. കൊയിലാണ്ടിയില്‍ നിന്നും ഫയര്‍ഫോഴ്‌സ് സ്ഥലത്തെത്തി. അസി. സ്റ്റേഷൻ ഓഫിസർ പി.എം.അനിൽ കുമാറിൻ്റെ നേതൃത്വത്തിലുള്ള സംഘം പരിശോധന നടത്തി. ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നതാണ് പ്രാഥമിക നിഗമനം.

35ലക്ഷം രൂപയുടെ നഷ്ടം കണക്കാക്കുന്നു. ഇന്നലെ രാത്രി 10.30നാണ് കട അടച്ചത്. രാവിലെ 8.30ന് കട തുറക്കാനെത്തിയപ്പോള്‍ ജീവനക്കാര്‍ ഷട്ടര്‍ തുറന്നപ്പോഴാണ് കടയുടെ ഉള്ളില്‍ കറുത്ത പുക കണ്ടത്. പരിശോധിച്ചപ്പോള്‍ എല്ലാം കത്തി ചാമ്പലായിരുന്നു. തുടക്കം ബേക്കറി മാത്രമായിരുന്നു. എന്നാല്‍ പിന്നീട് ബേക്കറിക്ക് പുറമേ സൂപ്പര്‍മാര്‍ക്കറ്റിനും തീപിടിക്കുകയായിരുന്നു.

വണ്ണാത്ത് മീത്തല്‍ അസീസ് ആണ് കച്ചവടം നടത്തുന്നത്. ബില്‍ഡിങ് വണ്ണാത്ത് മീത്തല്‍ മുഹമ്മദലിയുടേതുമാണ്. ഇരുവരും ജേഷ്ഠ സഹോദരങ്ങളാണ്.

Summary: bakery caught fire in naduvathur