മുസ്ലിം ലീഗ് കോഴിക്കോട് ജില്ലാ കൗണ്‍സിലറായിരുന്ന പാറേമ്മല്‍ അബ്ദുള്ളയുടെ ഓര്‍മ്മകള്‍ പങ്കിട്ട് സഹപ്രവര്‍ത്തകര്‍; അനുസ്മരണ പരിപാടിയുമായി പാലേരി കുയിമ്പില്‍ മുസ്ലിം ലീഗ്
പേരാമ്പ്ര: മുസ്ലിം ലീഗ് കുയിമ്പില്‍ ശാഖാ കമ്മിറ്റി പാറേമ്മല്‍ അബ്ദുള്ള അനുസ്മരണം സംഘടിപ്പിച്ചു. ജില്ലാ യൂത്ത് ലീഗ് പ്രസിഡന്റ് മിസ്അബ് കീഴരിയൂര്‍ പരിപാടി ഉദ്ഘാടനം ചെയ്തു. കെ.കെ.അലി മാസ്റ്റര്‍ അധ്യക്ഷത വഹിച്ചു.
യൂത്ത് ലീഗ് നിയോജക മണ്ഡലം ജനറല്‍ സെക്രട്ടറി ശിഹാബ് കന്നാട്ടി അനുസ്മരണ പ്രഭാഷണം നടത്തി. ജില്ലാ വൈസ് പ്രസിഡന്റ് സയ്യിദ് അലി തങ്ങള്‍,ആര്‍ കെ മുഹമ്മദലി, ഒതയോത്ത് കുഞ്ഞബ്ദുള്ള, കെ.സിദ്ദീഖ് തങ്ങള്‍, എം മൂസ മാസ്റ്റര്‍, മുഹമ്മദ് പുതിയോട്ടില്‍, കെ.കെ.അമ്മദ് ഹാജി, ടി.കെ.റസാഖ്, ഇബ്രാഹിം പാണക്കാട്, മേനിക്കണ്ടി അബ്ദുള്ള മാസ്റ്റര്‍, പുതിയോട്ടില്‍ ആലി കുട്ടി, എന്‍.കെ.മൊയ്തു, സുബൈര്‍ താന്തോന്നി, മാവിലാട്ട് ശംസുദ്ധീന്‍ എന്നിവര്‍ സംസാരിച്ചു.
മുസ്ലിം ലീഗ് കോഴിക്കോട് ജില്ലാ കൗണ്‍സിലറും പാലേരി പുത്തന്‍പള്ളി മുത്തവല്ലിയുമായിരുന്ന പാറേമ്മല്‍ അബ്ദുള്ള ഈമാസം 27നാണ് മരണപ്പെട്ടത്. ചങ്ങരോത്ത് പഞ്ചായത്ത് മുസ്ലിംലീഗ് ജനറല്‍ സെക്രട്ടറി,എസ് എം എഫ് പഞ്ചായത്ത് സെക്രട്ടറി, മഹല്ല് വൈസ് പ്രസിഡന്റ് പദവികള്‍ വഹിച്ചിട്ടുണ്ട്.