കൊയിലാണ്ടി: പെരുവട്ടൂർ എൽ.പി സ്കൂളിൽ ജാഗ്രത സമിതിയുടെ ആഭിമുഖ്യത്തിൽ 2022-2023 വർഷത്തെ എല്‍എസ്എസ്‌ പരീക്ഷയിൽ ഉന്നത വിജയം കരസ്ഥമാക്കിയ വിദ്യാർഥികൾക്കുള്ള അനുമോദനവും രക്ഷിതാക്കൾക്കുള്ള ബോധവത്‌കരണ ക്ലാസും സംഘടിപ്പിച്ചു. നഗരസഭാ ചെയർപേഴ്‌സണ്‍ സുധ കിഴക്കേപ്പാട്ട് ഉദ്ഘാടനം ചെയ്തു.

ഡോ.ശശികുമാര്‍ രക്ഷിതാക്കള്‍ക്കുള്ള ബോധവത്ക്കരണ ക്ലാസ് എടുത്തു. രക്ഷിതാക്കൾക്കും മക്കൾക്കും ഇടയിൽ ഹൃദയം തൊട്ടുള്ള ഇടപെടൽ കുറഞ്ഞു വരുന്ന ഈ കാലഘട്ടത്തിൽ അതിനെ പഴിക്കാതെ എന്തുകൊണ്ട് അങ്ങനെ സംഭവിച്ചു എന്നാണ് നാം ചിന്തിക്കേണ്ടത്, കുട്ടികളുടെ പഠന കാര്യത്തിൽ രക്ഷിതാക്കളിൽ ഏറെ പേരും വലിയ ആശങ്കയിലാണെന്ന്‌ ശശികുമാര്‍ പറഞ്ഞു.

വാർഡ് കൗൺസിലർ ജിഷ പുതിയേടത്ത് അദ്ധ്യക്ഷത വഹിച്ചു. ഹെഡ് മിസ്ട്രസ് ഇന്ദിര സി.കെ സ്വാഗതം പറഞ്ഞു. പിടിഎ പ്രസിഡന്റ് ഷിജു ടി.പി, മാതൃസംഗമം പ്രസിഡന്റ്‌ ജിഷ, ഉഷശ്രീ, രാജാഗോപാലൻ മാസ്റ്റർ, എന്നിവർ ആശംസകൾ അർപ്പിച്ചുസംസാരിച്ചു, ജാഗ്രത സമിതി കൺവീനവർ സിറാജ് ഇയ്യഞ്ചേരി നന്ദി പറഞ്ഞു.