താമരശ്ശേരിയിൽ കുരങ്ങ് തെങ്ങിൻ മുകളിൽ നിന്നും കരിക്ക് പറിച്ച് എറിഞ്ഞു; കർഷകന് പരിക്ക്‌
താമരശ്ശേരി: തെങ്ങിന്‍മുകളില്‍ നിന്നും കുരങ്ങ് കരിക്ക് പിഴുത് എറിഞ്ഞ് കര്‍ഷകന് പരിക്ക്‌ . താമരശ്ശേരി കട്ടിപ്പാറ സ്വദേശി രാജു ജോണ്‍ എന്ന കര്‍ഷകനാണ് പരിക്കേറ്റത്.
കഴിഞ്ഞ ദിവസം തുരുത്തി പള്ളിക്ക് സമീപത്താണ് സംഭവം. വീടിന് പുറക് വശത്തെ തെങ്ങിന്‍ തോപ്പിലെ തെങ്ങിന്റെ മുകളില്‍ നിന്ന് കുരങ്ങ് കരിക്ക് പിഴുത് എറിയുകയായിരുന്നു.
ഏറില്‍ തലയ്ക്കും മുഖത്തും കണ്ണിനും ഗുരുതരമായി രാജു ഓമശ്ശേരിയിലെ സ്വകാര്യ ആശുപത്രിയില്‍ ചികിത്സ നേടി. നിലവില്‍ രാജു ചികിത്സയിലാണ്.