കോഴിക്കോട്: ജില്ലയിൽ വനിതാ ഹോം ഗാർഡുകളുടെ നിയമനത്തിനായി അപേക്ഷ ക്ഷണിച്ചു. മെയ് അഞ്ച് വരെ അപേക്ഷ നൽകാം. എസ്.എസ്.എൽ.സി/തത്തുല്യ പരീക്ഷ പാസായിട്ടുള്ളവരും നല്ല ശാരീരിക ക്ഷമതയുള്ളവരുമായിരിക്കണം അപേക്ഷകർ.

ആർമി/നേവി/എയർ ഫോഴ്സ്/ബി.എസ്.എഫ്/എൻ.എസ്.ജി/എസ്.എസ്.ബി/ആസാം റൈഫിൾസ് എന്നീ അർദ്ധ സൈനിക വിഭാഗങ്ങളിൽ നിന്നും പോലീസ്, ഫയർ ആൻ്റ് റെസ്ക്യൂ സർവ്വീസസ്, എക്സൈസ്, ഫോറസ്റ്റ്, ജയിൽ എന്നീ സംസ്ഥാന സർവ്വീസുകളിൽ നിന്നും വിരമിച്ച വനിതാ സേനാംഗം ആയിരിക്കണം. 35 നും 58 നുമിടയിൽ പ്രായമുള്ളവർക്ക് അപേക്ഷിക്കാം.

ഏതെങ്കിലും സർക്കാർ സർവ്വീസിൽ ജോലിയുള്ളവർ അപേക്ഷിക്കാൻ യോഗ്യരല്ല. ഹോം ഗാർഡ്സിൽ അംഗമായി ചേരാൻ 18 സെക്കൻ്റിനുള്ളിൽ 100 മീറ്റർ ദൂരം ഓട്ടം, 30 മിനിട്ടിനുള്ളിൽ മൂന്ന് കിലോമീറ്റർ ദൂരം നടത്തം തുടങ്ങിയ ശാരീരിക ക്ഷമതാ ടെസ്റ്റുകൾ വിജയിക്കണം. പ്രതിദിനം 780 രൂപ വേതനം ലഭിക്കും.

അപേക്ഷ ഫോറത്തിൻ്റെ മാതൃക മീഞ്ചന്തയിലെ ജില്ലാ ഫയർ ഓഫീസിൽ ലഭിക്കും. പ്രവൃത്തി ദിവസങ്ങളിൽ രാവിലെ 10 മണി മുതൽ വൈകിട്ട് 5 വരെ ജില്ലാ ഫയർ ഓഫീസിൽ അപേക്ഷ സ്വീകരിക്കും. കൂടുതൽ വിവരങ്ങൾക്ക് വിളിക്കാനുള്ള ഫോൺ നമ്പർ: 0495-2322101