കൊരയങ്ങാട് തെരുഭഗവതി താലപ്പൊലി മഹോത്സവം; മലബാറിലെ ഗജറാണിമാര്‍ക്കായി ആനയൂട്ട്
കൊയിലാണ്ടി: കൊരയങ്ങാട് തെരുഭഗവതി ക്ഷേത്രത്തില്‍ മലബാറിലെ ഗജറാണിമാര്‍ക്കായി ആനയൂട്ട് നടത്തി. കൊരയങ്ങാട് തെരു ഭഗവതി ക്ഷേത്രത്തിലെ താലപ്പൊലി മഹോല്‍സവത്തിന്റെ താലപ്പൊലിദിവസമായ ഇന്ന് രാവിലെയാണ് ക്ഷേത്ര മൈതാനിയില്‍ പിടിയാനകള്‍ക്കായി ആനയൂട്ട് നടത്തിയത്.
മലബാറില്‍ ആദ്യമായാണ് പിടിയാനകളെ വെച്ച് ആനയൂട്ട് നടത്തുന്നത്. ഗജറാണിമാരായ കളിപ്പുരയില്‍ ശ്രീദേവി, ഉഷശ്രീ ബാലുശ്ശേരി, പള്ളിക്കല്‍ ബസാര്‍ മിനിമോള്‍, വടക്കേ കരറാണി. ഉമാമഹേശ്വര്‍ മഠം ഉമാദേവി, തുടങ്ങിയ ആനകളാണ് എത്തിയത്.
കാലിക്കറ്റ് ടെക്‌സ്‌റ്റൈല്‍സ് ശിവന്‍, റോബിഷ് വടകര, ഒ.കെ. ബാലകൃഷ്ണന്‍, കെ.കെ. വിനോദ്, വി. മുരളി കൃഷ്ണന്‍, രസ്ജിത് ലാല്‍, ആര്‍ സുധീഷ്, പി.കെ. സുമിത്, എസ്. അഭിമന്യൂ എന്നിവര്‍ ആനയൂട്ടിന് നേതൃത്വം നല്‍കി.
