വിഷു ദിനത്തില്‍ അപകടപരമ്പര: കൊയിലാണ്ടി മേഖലയുടെ വിവിധയിടങ്ങളിലുണ്ടായ അപകടത്തില്‍ ആറു പേര്‍ക്ക് പരുക്ക്
കൊയിലാണ്ടി: വിഷുദിനത്തിലുണ്ടായ അപകടപരമ്പരയില്‍ ആറു പേര്‍ക്ക് പരിക്ക്. വാഹനാപടത്തിലും പടക്കം പൊട്ടിയുമാണ് ആളുകള്‍ക്ക് പരിക്കേറ്റത്. കാഞ്ഞിലശ്ശേരിയില്‍ ബൈക്കും കാറും കൂട്ടിയിടിച്ചാണ് അപകടമുണ്ടായത്. അപകടത്തില്‍ പരിക്കേറ്റ ബൈക്ക് യാത്ര കാരായ നിഖില്‍, വിജയ് എന്നിവരെ കോഴിക്കോട് മെഡിക്കല്‍ കോളെജ് ആശുപത്രിയില്‍ പ്രവേശിപ്പിച്ചു.
കീഴരിയൂരിലാണ് മറ്റൊരപകടം സംഭവിച്ചത്. സ്‌കൂട്ടറില്‍ ബൈക്കിടിച്ചതിനെ തുടര്‍ന്നുണ്ടായ അപകടത്തില്‍ ഒരു സ്ത്രീക്ക് പരുക്കേറ്റു. തിരുവങ്ങൂരിലും കാറും ബൈക്കും കൂട്ടിയിടിച്ചാണ് അപകടമുണ്ടായത്. ഒരു കുടുംബത്തിലെ മൂന്നു പേര്‍ക്ക് അപകടത്തില്‍ പരിക്കേറ്റു. വിഷുവിന് പടക്കം പൊട്ടിക്കുന്നതിനിടയിലാണ് ഉള്ള്യേരി നാറാത്ത് സുധീഷിന് പരിക്കേറ്റത്. ഇദ്ദേഹത്തെ കോഴിക്കോട് മെഡിക്കല്‍ കോളെജ് ആശുപത്രിയില്‍ പ്രവേശിപ്പിച്ചു.
