കൊയിലാണ്ടി: കൊല്ലത്ത് ലോറി ബൈക്കിലിടിച്ച് അപകടം. രാത്രി 9 മണിയോടെ കൊല്ലത്തെ വില്ലേജ് ഓഫീസിന് സമീപത്തുവെച്ചാണ് അപകടം നടന്നത്. യുവാവിന്റെ കാലിലൂടെ ലോറി കയറിയിറങ്ങി. കൊല്ലം ഭാഗത്തുനിന്നും കൊയിലാണ്ടി ഭാഗത്തേയ്ക്ക് വരുകയായിരുന്ന ബൈക്കിനെ കണ്ണൂര്‍ ഭാഗത്തേയ്ക്ക് പോകുന്ന ടാങ്കര്‍ ലോറി ഇടിക്കുകയായിരുന്നു.

കാലിന് ഗുരുതരമായി പരിക്കേറ്റ ബൈക്ക് യാത്രക്കാരനായ യുവാവിനെ നാട്ടുകാരും ഫയര്‍ഫോഴ്‌സും ചേര്‍ന്ന് കൊയിലാണ്ടി താലൂക്ക് ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമായതിനാല്‍ തുടര്‍ ചികിത്സയ്ക്കായി കോഴിക്കോട് മെഡിക്കല്‍ കോളേജിലേയ്ക്ക് കൊണ്ടുപോയി. യുവാവ് കോഴിക്കോട് സ്വദേശിയാണെന്നാണ് ലഭിക്കുന്ന വിവരം. അപകടം നടന്നയുടെനെ ലോറി ഡ്രൈവര്‍ ഇറങ്ങി ഓടി. സംഭവ സ്ഥലത്ത് നിന്നും ലോറി മാറ്റാത്തതിനാല്  പ്രദേശത്ത് വന്‍ ഗതാഗതക്കുരുക്ക് തുടരുകയാണ്.