ബി.ആര്‍ അംബേദ്കറെ അധിക്ഷേപിച്ച കേന്ദ്രമന്ത്രി അമിത്ഷായിക്കെതിരെ പ്രതിഷേധം ശക്തം; പയ്യോളിയില്‍ കെഎസ്‌കെടിയു നേതൃത്വത്തില്‍ പ്രകടനം
പയ്യോളി: ബി.ആര്‍ അംബേദ്കറെ അധിക്ഷേപിച്ച കേന്ദ്രമന്ത്രി അമിത്ഷായിക്കെതിരെ പയ്യോളിയില്‍ കെഎസ്‌കെടിയു നേതൃത്വത്തില്‍ പ്രതിഷേധ പ്രകടനം സംഘടിപ്പിച്ചു. ഏരിയ കമ്മിറ്റി നേതൃത്വത്തില്‍ പയ്യോളി ടൗണില്‍ പ്രതിഷേധ പ്രകടനവും ബീച്ച് റോഡില്‍ പ്രതിഷേധയോഗവും നടത്തി.
ജില്ലാ കമ്മിറ്റി അംഗം ഡി. ദീപ ഉദ്ഘാടനം ചെയ്തു. ഏരിയാ പ്രസിഡന്റ് ഒ. രഘുനാഥ് അധ്യക്ഷനായി. എസ്.കെ അനൂപ്, കെ കെ ശശി, വി.കെ രവീന്ദ്രന്‍, ഉഷ വളപ്പില്‍, എം.പി ബാബു എന്നിവര്‍ സംസാരിച്ചു. ഏരിയ സെക്രട്ടറി എന്‍.സി മുസ്തഫ സ്വാഗതം പറഞ്ഞു.