അടുക്കള ഭാഗത്തെ വിറക് കൂനയില്‍ നിന്നും തീ പടര്‍ന്നു; അത്തോളിയില്‍ വീടിന് തീപിടിച്ചു, രക്ഷകരായെത്തി അഗ്‌നരക്ഷാസേന
അത്തോളി: അത്തോളിയില്‍ വീടിന് തീപിടിച്ചു. ഇന്ന് ഉച്ചയ്ക്ക് 12 മണിയോടെയാണ് സംഭവം. കൊളക്കാട് ആയാനിപുറത്ത് അബ്ദു റഹ്‌മാന്റെ വീടിന്റെ അടുക്കളഭാഗത്താണ് തീപിടിച്ചത്. അടുക്കളയുടെ മുകള്‍ഭാഗത്ത് ശേഖരിച്ച വിറക് കുനയ്ക്ക് തീ പിടിക്കുകയായിരുന്നു.
തീയും പുകയും ശ്രദ്ധയില്‍പ്പെട്ട വീട്ടുകാര്‍ തീ അണയ്ക്കാന്‍ ശ്രമിച്ചെങ്കിലും സാധിച്ചില്ല. തുടര്‍ന്ന് കൊയിലാണ്ടി അഗ്നിരക്ഷാ സേനയെ വിവരമറിയിക്കുകയായിരുന്നു. ഉടനെ മൂന്ന് യൂണിറ്റ് വാഹനങ്ങളുമായി അഗ്നിരക്ഷാ സേന സ്ഥലത്തെത്തുകയും തീ പൂര്‍ണമായും അണയ്ക്കുകയും ചെയ്തു. വീടിനു കാര്യമായ കേടുപാടുകള്‍ പറ്റിയിട്ടില്ല.
അസിസ്റ്റന്റ് സ്റ്റേഷന്‍ ഓഫീസര്‍ അനില്‍കുമാറിന്റെ നേതൃത്വത്തില്‍ സീനിയര്‍ ഫയര്‍ ആന്‍ഡ് റെസ്‌ക് ഓഫീസര്‍ അനൂപ് ബി കെ, ഫയര്‍ ആന്‍ഡ് റെസ്‌ക്യൂ ഓഫീസര്‍മാരായ ജിനീഷ് കുമാര്‍, ലിനീഷ് എം, ഹേമന്ദ് ബി, അനൂപ് എന്‍.പി, രജിലേഷ് സി.എം നിധിന്‍ രാജ്, ഷാജു കെ, ഹോം ഗാര്‍ഡ്മാരായ രാജേഷ് കെ.പി, രാജീവ് വി.ടി എന്നിവര്‍ രക്ഷാപ്രവര്‍ത്തനത്തില്‍ ഏര്‍പ്പെട്ടു.
