ശക്തമായ മഴയും കാറ്റും; കണയങ്കോട് വീടിന് മുകളിലേയ്ക്ക് തെങ്ങ് വീണ് സ്ലാബ് തകര്‍ന്നു
കൊയിലാണ്ടി: ഇന്ന് വീശിയ ശക്തമായ ചുഴലിക്കാറ്റില്‍ വീടിന് മുകളിലേക്ക് തെങ്ങ് വീണ് വീടിന്റെ സ്ലാബ് തകര്‍ന്നു.
കണയങ്കോട് 26-ാം വാര്‍ഡില്‍ ഐടിഐ സ്റ്റോപ്പിനു സമീപം വെങ്ങളത്താം വീട്ടില്‍ (ജന്നത്ത്) ഹാരിസിന്റെ വീടാണ് ഭാഗികമായി തകര്‍ന്നത്. ഇന്ന് രാവിലെ 10.30ന് ഉണ്ടായ ശക്തമായ മഴയിലും കാറ്റിലും അടുത്ത വീട്ടിലെ തെങ്ങ് വീടിന് മുകളിലേക്ക് വീഴുകയായിരുന്നു.
കോണ്‍ഗ്രീറ്റ് വീടിന്റെ മുകളിലത്തെ മെയില്‍ സ്ലാബും, പേരപ്പെറ്റും തകര്‍ന്നിട്ടുണ്ട്. സ്ലാബിന് വലിയ നീളത്തില്‍ വിള്ളല്‍ ഉണ്ടായത് കനത്ത നഷ്ടമാണ് ഉണ്ടാക്കിയത്. അപകട സമയത്ത് വീട്ടില്‍ ആളുണ്ടായിരുന്നെങ്കിലും പരിക്കേല്‍ക്കാതെ രക്ഷപ്പെടുകയായിരുന്നു. നഗരസഭ കൗണ്‍സിലര്‍ വി.എം. സിറാജ്, പന്തലായനി വില്ലേജ് അധികൃതരും സ്ഥലം സന്ദര്‍ശിച്ചു.