‘കണിക്കൊന്നയില്‍ നിന്നും ചിനാറിലൂടെ സിയാറോസിലേക്ക്’; കൊയിലാണ്ടി സ്വദേശിനി ശശികല രചിച്ച പുസ്തകം പ്രകാശനം ചെയ്തു
കോഴിക്കോട്: ശ്രീമതി ശശികല ശിവദാസന്‍ എഴുതിയ ‘കണിക്കൊന്നയില്‍ നിന്നും ചിനാറിലൂടെ സിയാറോസിലേക്ക് ‘ എന്ന പുസ്തകം പ്രകാശനം ചെയ്തു. കോഴിക്കോട് എം.എസ്.എസ് ഓഡിറ്റോറിയത്തില്‍ വച്ച്‌കെതപ്രം ദാമോദരന്‍ നമ്പൂതിരി കേണല്‍ ആര്‍.കെ നായര്‍ക്ക് ആദ്യപ്രതി നല്‍കി പ്രകാശനംചെയ്തു.
കല്‍പ്പറ്റ നാരായണന്‍, പി. സുരേന്ദ്രന്‍, പി.കെ പാറക്കടവ്, നന്ദകിഷോര്‍, ദീപാ നിഷാന്ത് തുടങ്ങിയ പ്രമുഖ വ്യക്തികളും ചടങ്ങില്‍ പങ്കെടുത്തു.കൊയിലാണ്ടി കോതമംഗലം സ്വദേശിനി ശശികല ശ്രീനഗറിലും ലേ -ലഡാക്കിലും ഒന്നൊന്നര മാസത്തോളം സഞ്ചരിച്ച് എഴുതിയതാണീ പുസ്തകം. ഇവിടങ്ങളില്‍ നടന്ന പല യുദ്ധങ്ങളെപ്പറ്റിയും പട്ടാളക്കാരുടെയും സാധാരണ ജനങ്ങളുടെ ജീവിതങ്ങളെ പറ്റിയും പ്രകൃതിയെപ്പറ്റിയും പുസ്‌കത്തില്‍ പറയുന്നു.