കൊയിലാണ്ടി: മോഷ്ടിച്ച ബൈക്കുമായി പോവുകയായിരുന്ന പത്തൊന്‍പതുകാരനെ കൊയിലാണ്ടിയില്‍ വെച്ച് പിടികൂടി പോലീസ്. പയ്യോളി ഭജനമഠത്തിനടുത്ത് താമസിക്കുന്ന വടകര സ്വദേശി മിഹാല്‍(19) നെയാണ് പോലീസ് പിടികൂടിയത്. ഞായറാഴ്ച പുലര്‍ച്ചെ നാല് മണിയോടെ കൊയിലാണ്ടി ടൗണില്‍ നൈറ്റ് പെട്രേളിംങ് നടത്തുന്നതിനിടെ നിര്‍ത്താതെ പോയ ബൈക്കിനെ പോലീസ് പിന്തുടര്‍ന്ന് പിടികൂടുകയായിരുന്നു.

തുടര്‍ന്ന് നടത്തിയ അന്വേഷണത്തില്‍ താനൂര്‍ റെയില്‍വേ സ്റ്റേഷനില്‍ നിന്നും മോഷ്ടിച്ച ബൈക്കാണിതെന്ന് തിരിച്ചറിഞ്ഞു. യുവാവിന്റെ പേരില്‍ കോഴിക്കോട് സിറ്റി പോലീസ് സ്‌റ്റേഷനിലടക്കം 11 ഓളം കേസുകളില്‍ പ്രതിയാണെന്ന് പോലീസ് കൊയിലാണ്ടി ന്യൂസ് ഡോട് കോമിനോട് പറഞ്ഞു.

സി.ഐ. ശ്രീലാല്‍ ചന്ദ്രശേഖരന്റെ നേതൃത്വത്തിലുള്ള പോലീസ് സംഘത്തിന്റെ തന്ത്രപരമായ നീക്കത്തിലാണ് പിടികൂടിയത്. എസ്.ഐ മണി, എസ്.സി.പി.ഒ.ഗംഗേഷ് തുടങ്ങിയവര്‍ സംഘത്തിലുണ്ടായിരുന്നു. കോടതിയില്‍ ഹാജരാക്കിയ പ്രതിയെ 14 ദിവസത്തേയ്ക്ക് റിമാണ്ട് ചെയ്തു.