വാണിമേല്‍: വിലങ്ങാട് പുഴയരികില്‍ യുവതിയെ മരിച്ച നിലയില്‍ കണ്ടെത്തിയ സംഭവത്തില്‍ സുഹൃത്ത് കസ്റ്റഡിയില്‍. യുവതിക്കൊപ്പം താമസിച്ചിരുന്ന വാസു(എലുമ്പന്‍) എന്നയാളെയാണ് കുറ്റ്യാടി പോലീസ് കസ്റ്റഡിയിലെടുത്തിരിക്കുന്നത്. ഇയാളെ പോലീസ് ചോദ്യം ചെയ്തു വരികയാണ്.

കഴിഞ്ഞ ദിവസം രാത്രിയാണ് വിലങ്ങാട് വാളൂക്ക് പുഴയില്‍ സോണിയ എന്ന യുവതിയെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയത്. പ്രദേശത്ത് നിന്ന് ദുര്‍ഗന്ധം വമിച്ചതിനെ തുടര്‍ന്ന് നാട്ടുകാര്‍ നടത്തിയ പരിശോധനയില്‍ പുഴയിലെ പാറക്കെട്ടുകള്‍ക്കിടയില്‍ നിന്നും മൃതദേഹം കണ്ടെത്തുകയായിരുന്നു.

വയനാട് നിരവില്‍പ്പുഴ അരിമല കോളനിയില്‍ താമസിക്കുന്ന സോണിയ ഭര്‍ത്താവ് വലിങ്ങാട് കെട്ടില്‍ കോളനി മോഹന്റെ മരണത്തോടെ വയനാട്ടിലായിരുന്നു താമസം. ഇതിനിടയിലാണ് കഴിഞ്ഞ ദിവസം മരിച്ച നിലയില്‍ കണ്ടെത്തിയത്.