18 ലക്ഷം രൂപ ചിലവില്‍ നിര്‍മ്മിച്ച കല്ലങ്കി-അരിക്കുളം റോഡ് ജനങ്ങള്‍ക്കായ് സമര്‍പ്പിച്ചു
അരിക്കുളം: മേപ്പയ്യൂര്‍ പഞ്ചായത്ത് പതിനൊന്നാം വാര്‍ഡ് കല്ലങ്കി- അരിക്കുളം റോഡ് നാടിനായി സമര്‍പ്പിച്ചു. 2023-24 വാര്‍ഷിക പദ്ധതിയില്‍ ഉള്‍പ്പെടുത്തിയാണ് 18 ലക്ഷം രൂപ ചിലവിട്ടാണ് റോഡ് നിര്‍മ്മിച്ചിരിക്കുന്നത്.
റോഡിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് കെ.ടി രാജന്‍ നിര്‍വ്വഹിച്ചു. വാര്‍ഡ് മെമ്പര്‍ സി.പി അനീഷ് കുമാര്‍ അധ്യക്ഷത വഹിച്ച യോഗത്തില്‍ വാര്‍ഡ് കണ്‍വീനര്‍ കെ.ടി.കെ പ്രഭാകരന്‍ സ്വാഗതം പറഞ്ഞു.
യു.എന്‍ മോഹനന്‍ മാസ്റ്റര്‍, അസീസ് മാസ്റ്റര്‍, വിജയന്‍ പുതിയോട്ടില്‍, ബലമാണി തറോക്കണ്ടി. കുഞ്ഞമ്മദ് പള്ളിപ്പട്ടില്‍, വാസു അരീച്ചാലില്‍ സജീവന്‍ ചാലില്‍ എന്നിവര്‍ ആശംസകള്‍ അറിയിച്ചു. സജീവന്‍ പുതിയോട്ടില്‍ യോഗത്തില്‍ നന്ദി പറഞ്ഞു.