കാത്തിരിപ്പിന് വിരാമം; ‘തമിഴക വെട്രി കഴകം’ നടന്‍ വിജയ് രാഷ്ട്രീയ പാര്‍ട്ടി പ്രഖ്യാപിച്ചു
ചെന്നൈ: ഏറെ നാളത്തെ കാത്തിരിപ്പിനൊടുവില്‍ തമിഴ് ചലച്ചിത്ര താരം ദളപതി വിജയ് തന്റെ രാഷ്ട്രീയ പാര്‍ട്ടി ഔദ്യോഗികമായി പ്രഖ്യാപിച്ചു. ‘തമിഴക വെട്രി കഴകം’ എന്ന് പേര് നല്‍കിയിരിക്കുന്നത്. ഒരു കോടിയോളം ആളുകളെയാണ് ‘തമിഴക വെട്രി കഴകം’ പാര്‍ട്ടിയില്‍ അംഗങ്ങളായി പ്രതീക്ഷിക്കുന്നത്.
പാര്‍ട്ടി തെരഞ്ഞെടുപ്പ് കമ്മീഷനില്‍ രജിസ്റ്റര്‍ ചെയ്യാനുള്ള നടപടികള്‍ പൂര്‍ത്തിയാക്കിയിട്ടുണ്ട്. 2026ല്‍ നടക്കാനിരിക്കുന്ന തമിഴ്‌നാട് നിയമസഭ തെരഞ്ഞെടുപ്പില്‍ പാര്‍ട്ടി മത്സരിക്കുമെന്നും വിജയ് പ്രസ്താവനയിലൂടെ അറിയിച്ചു. തെരഞ്ഞെടുപ്പ് കമ്മീഷന്റെ അംഗീകാരം ലഭിക്കുമ്പോള്‍ പാര്‍ട്ടിയുടെ ലോഗോയും കൊടിയും പുറത്തുവിടും.