മേപ്പയൂർ: പുതുതായി നിര്‍മ്മിച്ച വിളയാട്ടൂർ ജി എൽ പി സ്കൂൾ ചെമ്പക മുക്ക് റോഡിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് കെ.ടി രാജൻ നിർവഹിച്ചു. മേലടി ബ്ലോക്ക് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ മഞ്ഞക്കുളം നാരായണൻ അധ്യക്ഷത വഹിച്ചു.

മേപ്പയൂർ ഗ്രാമപഞ്ചായത്ത് 2023 – 24 വാർഷിക പദ്ധതിയിൽ ഉൾപ്പെടുത്തി അഞ്ചരലക്ഷം രൂപ ചിലവഴിച്ചാണ് റോഡ് നിര്‍മ്മാണം പൂര്‍ത്തിയാക്കിയത്. വി.പി ശിവദാസ്, നിബിദ വി.പി, സദാനന്ദൻ ഓച്ചിലൊട്ട്, സി.പി സെൽവി, രാഘവൻ കുഞ്ഞോത്ത്, എം സി ബിജു, ജി എൽ പി സ്കൂൾ ഹെഡ്മിസ്ട്രസ് ജയിൻ റോസ് എന്നിവർ സംസാരിച്ചു.

വാർഡ് വികസന സമിതി കൺവീനർ കെ.കെ ബാബു സ്വാഗതവും അയൽ സഭ ചെയർപേഴ്സൺ സി.കെ സുകന്യ നന്ദിയും പറഞ്ഞു.