പരശുറാം എക്‌സ്പ്രസില്‍ നിന്ന് കൊയിലാണ്ടി സ്വദേശിയായ പെണ്‍കുട്ടി കുഴഞ്ഞു വീണു
കൊയിലാണ്ടി: പരുശറാം എക്‌സ്പ്രസിലെ തിരക്കില്‍പ്പെട്ട് കൊയിലാണ്ടി സ്വദേശിയായ പെണ്‍കുട്ടി കുഴഞ്ഞു വീണു. മുബാറക്ക് റോഡില്‍ സയ്യിദത് നഫ്ൽ എന്ന കുട്ടിയാണ് വീണത്. ഇന്ന് വൈകുന്നേരം 6മണിയോടെ കോഴിക്കോട്‌ നിന്നും വടകര ഭാഗത്തേക്ക് വരുന്ന പരശുറാം എക്‌സ്പ്രസിലാണ് സംഭവം.
ട്രെയിന്‍ കൊയിലാണ്ടി എത്താറായപ്പോഴേക്കും പെണ്‍കുട്ടി ബോധരഹിതയായി വീഴുകയായിരുന്നു. ഉടന്‍ തന്നെ സ്‌റ്റേഷന്‍ മാസ്റ്റര്‍ കൊയിലാണ്ടി അഗ്നിരക്ഷാ സേനയില്‍ വിളിച്ച് വിവരം പറഞ്ഞു.
സ്‌റ്റേഷനില്‍ നിന്നും ഗ്രേഡ് അസിസ്റ്റന്റ് സ്‌റ്റേഷന്‍ ഓഫീസര്‍ പി.കെ ബാബുവിന്റെ നേതൃത്വത്തിലുള്ള സംഘം ആംബുലന്‍സുമായി റെയില്‍വേ സ്‌റ്റേഷനിലെത്തി. തുടര്‍ന്ന് കുട്ടിയെ കൊയിലാണ്ടി താലൂക്ക് ആശുപത്രിയിലേക്ക് മാറ്റി.