കൊയിലാണ്ടി: കെഎസ്എസ്പിഎ കോഴിക്കോട് ജില്ലാ സമ്മേളനത്തിന്റെ ഭാഗമായി കൊയിലാണ്ടിയിൽ വിളംബര ജാഥ സംഘടിപ്പിച്ചു. സികെജി സെന്ററിനടുത്ത് നിന്നാരംഭിച്ച പ്രകടനം ചെണ്ടമേളത്തിന്റെ അകമ്പടിയോടെ ബസ് സ്റ്റാന്റ് പരിസരം മാർക്കറ്റ് വഴി ബപ്പൻ കാട്ടിൽ സമാപിച്ചു.

വൈസ് പ്രസിഡന്റ് പി.എം അബ്ദുറഹ്മാൻ, ജില്ലാ പ്രസിഡന്റ് കെ.സി ഗോപാലൻ മാസ്റ്റർ, ബ്ലോക്ക്‌ കോൺഗ്രസ് കമ്മറ്റി പ്രസിഡന്റ് മുരളി തൊറോത്ത്, സംസ്ഥാനകമ്മറ്റി അംഗം കെ.എം കൃഷ്ണൻ കുട്ടി, ജില്ലാ വനിതാ ഫോറം കൺവീനർ എം.വാസന്തി, ജില്ലാ ജോ.സെക്രട്ടറി വാഴയിൽ ശിവദാസൻ, സംസ്ഥാന കൗൺസിലർമാരായ ടി.കെ കൃഷ്ണൻ, പി.മുത്തു കൃഷ്ണൻ, വേലായുധൻ കീഴരിയൂർ, ബാലൻ ഒതയോത്ത്, കെ.എസ് പ്രേമകുമാരി, പി.കെ ചന്ദ്രഭാനു, വി.കെ ദാമോദരൻ, പ്രേമൻ നന്മന എന്നിവര്‍ നേതൃത്വം നൽകി.

സമ്മേളനത്തിന്റെ ഭാഗമായി രാവിലെ 9മണിക്ക് പതാകയുയർത്തൽ, തുടർന്ന്‌ ജില്ലാകമ്മറ്റി, ജില്ലാ കൗൺസിൽ, ഉച്ചയ്ക്ക് സിമ്പോസിയം, അനുമോദന സദസ്സ് എന്നിവ നടക്കും.