കോഴിക്കോട്: കേരള നോളജ് ഇക്കണോമി മിഷന്റെ നേതൃത്വത്തില്‍ വെസ്റ്റ്ഹില്‍ ഗവണ്മെന്റ് പോളിടെക്നിക് കോളേജില്‍ സൗജന്യ സ്‌കില്‍ ഫെയര്‍ സംഘടിപ്പിക്കുന്നു. 18 വയസ്സ് മുതല്‍ 58 വയസ്സ് വരെയുള്ളവര്‍ക്ക് ജില്ലാ സ്‌കില്‍ ഫെയറുകളില്‍ സൗജന്യമായി പങ്കെടുക്കാം.

1000 ത്തില്‍ അധികം തൊഴിലുകളിലേക്കുള്ള രജിസ്ട്രഷനും, നോളജ് മിഷന്‍ വഴി നല്‍കുന്ന സൗജന്യ കരിയര്‍ ഡെവലപ്പ്‌മെന്റ് സര്‍വീസ്, സ്‌കില്‍ സ്‌കോളര്‍ഷിപ്പ്, ഇന്റേണ്‍ഷിപ്പ്, അപ്പ്രെന്റിഷിപ്പ് തുടങ്ങിയവയിലേക്കുള്ള സ്‌പോര്‍ട്ട് രജിസ്ട്രഷനുകളും കൂടാതെ വിവിധ ഇന്‍ഡസ്ട്രികളുടെ നേതൃത്വത്തിലുള്ള മാസ്റ്റര്‍ സെഷനുകളും സ്‌കില്‍ ഫെയറിന്റെ ഭാഗമായി ഒരുക്കും.

തൊഴിലുകളിലേക്ക് ഉദ്യോഗാര്‍ത്ഥികളെ പ്രാപ്തരാക്കുന്നതിന് പ്രത്യേകം തിരഞ്ഞെടുക്കപ്പെട്ടിരിക്കുന്ന നൈപുണ്യ പരിശീലന പ്രോഗ്രാമുകളുടെ പ്രദര്‍ശനവും ഒരുക്കും. സ്‌കില്‍ ഫെയറില്‍ പങ്കെടുക്കുവാന്‍ www.knowledgemission.kerala.gov.in വഴി രജിസ്റ്റര്‍ ചെയ്യുക, ഫോണ്‍ : 04712737881.