വിദ്യാര്‍ഥികളുടെ കലാപരിപാടികളും രക്ഷാകര്‍തൃ സംഗവുമൊക്കെയായി ജല്‍വ 2023; മിന്‍ഹാജുല്‍ ജന്ന ദര്‍സ് ഫെസ്റ്റിന്് ഉജ്വല സമാപനം
കൊയിലാണ്ടി: ജുമഅത്ത് പള്ളി കമ്മിറ്റിയുടെ കീഴിലുള്ള ശൈഖുനാ പാറന്നൂര്‍ ഉസ്താദ് സ്മാരക മിന്‍ഹാജുല്‍ ജന്ന ദര്‍സ് വിദ്യാര്‍ത്ഥികളുടെ ഫെസ്റ്റിന് ഉജ്വല സമാപനം. മൂന്ന് ദിവസങ്ങളിലായി നടന്ന ജല്‍വ 2023ല്‍ വിദ്യാര്‍ത്ഥികളുടെ വിവിധ കലാപരിപാടികളും നടന്നു.
ആദ്യംദിനം നടന്ന മോട്ടിവേഷന്‍ സെഷന്‍ ട്രന്റ് സംസ്ഥാന ട്രൈനര്‍ നൗഷാദ് ചെറുവറ്റ കുട്ടികളുമായി സംവദിച്ചു. രണ്ടാം ദിവസം നടന്ന രക്ഷാകര്‍തൃ സംഗമം ഉസ്താദ് അബ്ദുല്‍ ജലീല്‍ ബാഖവി പാറന്നൂര്‍ ഉദ്ഘാടനം ചെയ്തു. പി.പി.അനീസ് അലി അധ്യക്ഷത വഹിച്ചു. ഹാശിം തമാം, അസ്ഹര്‍ ബാഖവി എന്നിവര്‍ പ്രസംഗിച്ചു.
സമാപന പരിപാടിയുടെ ഉദ്ഘാടനവും ഹാഫിള് സയ്യിദ് ഹുസൈന്‍ ബാഫഖി തങ്ങള്‍ നിര്‍വഹിച്ചു. അബ്ദുല്‍ ജലീല്‍ ബാഖവി അധ്യക്ഷത വഹിച്ചു. ടി.കെ.മുഹ്യുദ്ധീന്‍ ദാരിമി, അസ്ഹര്‍ ബാഖവി, എം.മുഹമ്മദ് സലിം, ബാരി ഫൈസി എന്നിവര്‍ പ്രസംഗിച്ചു. പരിപാടിയില്‍ വിവധങ്ങളായ ധന സഹായവും വിതരണവും നിര്‍വഹിച്ചു.