ലഹരിയ്‌ക്കെതിരെ ‘ജാഗ്രത’യുമായി കൊയിലാണ്ടി പൊലീസ് സ്റ്റേഷനിലെ സീനിയര്‍ സിവില്‍ പൊലീസ് ഓഫീസര്‍; ലഹരിവിരുദ്ധ വീഡിയോ ആല്‍ബം പുറത്തിറങ്ങി
കൊയിലാണ്ടി: കുട്ടികളിലും യുവാക്കളിലും വര്‍ധിച്ചുവരുന്ന ലഹരി ഉപയോഗത്തിന് തടയുക എന്ന ലക്ഷ്യത്തോടെ നിര്‍മ്മിച്ച ജാഗ്രത എന്ന ലഹരി വിരുദ്ധ ആല്‍ബം റിലീസ് ചെയ്തു. കൊയിലാണ്ടി പോലീസ് സ്റ്റേഷനിലെ സീനിയര്‍ സിവില്‍ പോലീസ് ഓഫീസര്‍ (ഡ്രൈവര്‍) സുരേഷ് ഒ.കെ രചനയും സംവിധാനവും നിര്‍വഹിച്ച ആല്‍ബത്തിന്റെ പ്രകാശന കര്‍മ്മം നടുവത്തൂര്‍ വാസുദേവാശ്രമ ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് യൂണിറ്റിന്റെ നേതൃത്വത്തില്‍ വടകര നാര്‍ക്കോട്ടിക് സെല്‍ ഡി.വൈ.എസ്.പി ഷാജി കെ.എസ് നിര്‍വഹിച്ചു.
കൊയിലാണ്ടി പോലീസ് സ്റ്റേഷനിലെ എ.എസ്.ഐ കെ.പി ഗിരീഷ് അധ്യക്ഷന്‍ വഹിച്ച ചടങ്ങ് ഒ കെ സുരേഷ്, പുഷ്പലത, മഞ്ജുള, മനോജ് മരുതൂര്‍, പ്രേംരാജ് പാലക്കാട് സുരേഷ് ബാബു നെടുബൊയില്‍, ഷാജി പയ്യോളി തുടങ്ങിയവര്‍ സംസാരിച്ചു, അഞ്ജന സുരേഷ് സ്വാഗതം പറഞ്ഞു.
ആല്‍ബത്തിന്റെ സംഗീത സംവിധാനം നിര്‍വഹിച്ചത് പാലക്കാട് പ്രേംരാജ് ആണ്. തേജ ലക്ഷ്മി തേജസ് എന്നിവര്‍ ഗാനമാലപിച്ചു. എഡിറ്റ്: ഷിജു പൈതോത്ത്. ക്യാമറ: ഷാജി പയ്യോളി.