കൊയിലാണ്ടി: ലൈബ്രറി കൗൺസിൽ കൊയിലാണ്ടി നോർത്ത് മേഖലാ സമിതി വായനോത്സവം സംഘടിപ്പിച്ചു. പുളിയഞ്ചേരി യു.പി സ്കൂളിൽ നടന്ന ചടങ്ങ്‌ നഗരസഭ ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ.ഷിജു മാസ്റ്റർ ഉദ്ഘാടനം ചെയ്തു. മേഖലാ സമിതി കൺവീനർ രാജേന്ദ്രൻ പി. അദ്ധ്യക്ഷത വഹിച്ചു.

കൗൺസിലർ വി രമേശൻ മാസ്റ്റർ ആശംസകൾ നേർന്നു. മേഖലാ കൺവീനർ മോഹനൻ നടുവത്തൂർ സ്വാഗതവും രവീന്ദ്രൻ കെ.പി നന്ദിയും പറഞ്ഞു. രാഗേഷ് കുമാർ മാസ്റ്റർ, അഡ്വ.അരുൺ കൃഷ്ണ എന്നിവർ ക്വിസ് മത്സരത്തിന് നേതൃത്വം കൊടുത്തു. ഷൈജു പി.കെ മണികണ്ഠൻ, സിനേഷ് കെ.ടി, രജീഷ് പി.പ്രജിത, തുഷാര, അനിത സി.കെ തുടങ്ങിയവർ പരിപാടിക്ക് നേതൃത്വം നൽകി.