മുക്കത്ത് പോലീസ് സ്റ്റേഷനില് മോഷണം; തൊണ്ടിമുതലായ ജെസിബി കടത്തിക്കൊണ്ടു പോയി, പ്രതികള്‍ പിടിയില്‍
കൊയിലാണ്ടി: മുക്കം പോലീസ് സ്റ്റേഷനില് നിന്ന് തൊണ്ടിമുതലായ ജെസിബി മോഷ്ടിച്ച് കൊണ്ട് പോയ സംഭവത്തില്‍ പ്രതികള്‍ പിടിയില്‍. പ്രതികളായ ആറ് പേരെ പോലീസ് അറസ്റ്റ് ചെയ്തു. ഇന്നലെ പുലര്‍ച്ചെയാണ് സംഭവം.
മാര്‍ട്ടിന്‍ സെബാസ്റ്റിയന്‍, ജയേഷ് മോഹന്‍ രാജ്, റജീഷ് മാത്യു, വേളാങ്കണ്ണ രാജി, ദിലീപ് കുമാര്‍ എന്നിവരാണ് പിടിയിലായത്.
സുധീഷ് എന്ന യുവാവിന്റെ മരണത്തിന് ഇടയാക്കിയ ജെസിബിയായിരുന്നു ഇത്. പുതിയ പോലീസ് സ്‌റ്റേഷന്റെ പണി നടക്കുന്ന സ്ഥലത്തായിരുന്നു ജെസിബി നിര്‍ത്തിയിട്ടിരുന്നത്. ഇവിടെ നിന്നാണ് ആറംഗ സംഘം വാഹനം കടത്തികൊണ്ടു പോയത്. തട്ടിക്കൊണ്ടു പോയ ജെസിബിയ്ക്ക് പകരം പ്രതികള്‍ മറ്റൊരു ജെസിബി സ്ഥാനത്ത് കൊണ്ടു വന്നിടുകയും ചെയ്തിരുന്നു.