22.9 ലിറ്റര്‍ മാഹി മദ്യവുമായി പയ്യോളി കണ്ണംകുളം സ്വദേശി എക്‌സൈസിന്റെ പിടിയില്‍
കൊയിലാണ്ടി: മാഹി മദ്യവുമായി പയ്യോളി സ്വദേശി കൊയിലാണ്ടി എക്‌സൈസിന്റെ പിടിയില്‍. കണ്ണംകുളം തയനാണ്ടി വള്ളില്‍ രാജനാണ് പിടിയിലായത്. ഇയാളില്‍ നിന്ന് 22.9 ലിറ്റര്‍ മാഹി മദ്യം പിടിച്ചെടുത്തു.
കണ്ണംകുളത്തെ വീട്ടില്‍ വെച്ചാണ് പ്രതി പിടിയിലായത്. രഹസ്യ വിവരത്തിന്റെ അടിസ്ഥാനത്തില്‍ കൊയിലാണ്ടി റെയിഞ്ച് എക്‌സൈസ് ഇന്‍സ്‌പെക്ടര്‍ എംകെ മോഹന്‍ദാസിന്റെ നേതൃത്തിലുള്ള സംഘമാണ് പ്രതിയെ പിടികൂടിയത്. ഇയാള്‍ക്കെതിരെ വിദേശ മദ്യം കൈവശം വെച്ച കുറ്റത്തിന് കേസെടുത്തു.
പാര്‍ട്ടിയില്‍ പ്രിവന്റീവ് ഓഫീസര്‍മാരായ പ്രവീണ്‍ ഐസക്ക്, സജീവന്‍, സിവില്‍ എക്‌സൈസ് ഓഫീസര്‍മാരായ രാകേഷ് ബാബു, ഷിജു, വിപിന്‍, ഷൈജു, വനിത സിവില്‍ എക്‌സൈസ് ഓഫിസര്‍ ഷൈനി എന്നിവര്‍ പങ്കെടുത്തു.