വയറുവേദനയെ തുടര്‍ന്ന് ചികിത്സയ്ക്കായി എത്തിയ കുട്ടിയെ പീഡിപ്പിക്കാന്‍ ശ്രമം; തലശ്ശേരിയില്‍ ആശുപത്രി ജീവനക്കാരന്‍ അറസ്റ്റില്‍
തലശ്ശേരി: ആശുപത്രിയില്‍ ചികിത്സയ്ക്കായി എത്തിയ 15 വയസ്സുകാരനെ പീഡിപ്പിക്കാന്‍ ശ്രമിച്ചെന്ന പരാതിയില്‍ ആശുപത്രി ജീവനകാരന്‍ അറസ്റ്റില്‍. ആശുപത്രിയിലെ ക്ലീനിംഗ് സ്റ്റാഫ് റമീസാണ് അറസ്റ്റിലായത്. തലശ്ശേരി ജനറല്‍ ആശുപത്രിയിലെ ജീവനകാരനാണ് ഇയാള്‍.
വയറുവേദനയെ തുടര്‍ന്ന് ചികിത്സയ്ക്കെത്തിയ കുട്ടിയുടെ അമ്മ ഒ.പിയില്‍ പോയ സമയത്താണ് പീഡന ശ്രമം നടക്കുന്നത്. ആശുപത്രി ജീവനകാരനായ റമീസ് കുട്ടിയെ അമ്മയുടെ കണ്ണുവെട്ടിച്ച് ടോയ്‌ലറ്റിലേക്ക് കൂട്ടി കൊണ്ടു പോവുകയായിരുന്നു. തുടര്‍ന്ന് പീഡിപ്പിച്ചതായും ഭീക്ഷണിപ്പെടുത്തിയതായും കുട്ടിയുടെ പരാതിയില്‍ പറയുന്നു.
പേടിച്ചു പോയ കുട്ടി കാര്യങ്ങള്‍ ബന്ധുക്കളെ അറിയിച്ചപ്പോഴാണ് ഞെട്ടിക്കുന്ന വിവരങ്ങള്‍ പുറം ലോകം അറിയുന്നത്. ഇതോടെ ആശുപത്രി ജീവനകാരും മറ്റു ആളുകളും റമീസിനെ പിടികൂടി പോലീസില്‍ ഏല്‍പ്പിക്കുകയായിരുന്നു. ഇയാള്‍ക്കെതിരെ പോക്സോ വകുപ്പ് ചുമത്തി കേസ് എടുത്തതായി പോലീസ് പറഞ്ഞു.