ഓടിക്കൊണ്ടിരുന്ന ലോറിക്ക് മുന്നിലേക്ക് ചാടി മധ്യവയസ്‌കന്‍; മാവൂരിലെ അപകടത്തിന്റെ സി.സി.ടി.വി ദൃശ്യങ്ങള്‍
കോഴിക്കോട്: മാവൂരില്‍ മധ്യവയസ്‌കന്‍ ലോറിക്ക് മുന്നില്‍ ചാടുന്നതിന്റെ സി.സി.ടി.വി ദൃശ്യങ്ങള്‍ പുറത്ത്. അത്തോളി സ്വദേശി രവിയായിരുന്നു ചൊവ്വാഴ്ച ലോറിയ്ക്ക് മുന്നില്‍ ചാടിയത്.
വലത് കാലിന് ഗുരുതരമായി പരിക്കേറ്റ രവി കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. ചൊവ്വാഴ്ച രാവിലെയായിരുന്നു സംഭവം.
മാവൂര്‍ ഭാഗത്തുനിന്നും കോഴിക്കോട് ഭാഗത്തേക്ക് പോകുകയായിരുന്ന ടോറസ് ടിപ്പര്‍ ലോറിക്ക് മുന്നിലേക്കാണ് ഇയാള്‍ ചാടിയത്.