ചന്ദ്രനെക്കുറിച്ച് അവബോധം വളര്‍ത്തുന്നതിനായി ചാന്ദ്രോത്സവ് 2023 സംഘടിപ്പിച്ച് കുറുവങ്ങാട് സാംസഗ്രന്ഥാലയം വായനശാല
കൊയിലാണ്ടി: ഇന്ത്യയുടെ ചാന്ദ്രയാന്‍ വിജയ പശ്ചാത്തലത്തില്‍ ഇതുവരെ ചന്ദ്രനെക്കുറിച്ച് നടത്തിയ പഠനങ്ങളെ സംബന്ധിച്ച് കുട്ടികള്‍ക്ക് അവബോധം വളര്‍ത്തുന്നതിനായി കുറുവങ്ങാട് സാംസ ഗ്രന്ഥാലയം ചന്ദ്രോത്സവ് 2023 സംഘടിപ്പിച്ചു. ശാസ്ത്ര പുസ്തക പ്രദര്‍ശനവും നടത്തി.
കൊയിലാണ്ടി നഗരസഭ ചെയര്‍മാന്‍ സുധ കിഴക്കെപ്പാട്ട് ഉദ്ഘാടനം ചെയ്തു. ചന്ദ്രപര്യവേഷണം ഇന്ന് -എന്ന വിഷയത്തില്‍ അഭിനന്ദ്.പി.എസ് ക്ലാസ് എടുത്തു. കെ.ഷിജു, ഇന്ദിര.കെ.ഐ, പ്രഭ.സി, വി.എം.സിറാജ് എന്നിവര്‍ ആശംസകള്‍ നേര്‍ന്നു.
ടി.ദാമോദരന്‍, എ.സുധാകരന്‍, ബിജു.ഡി.കെ എന്നിവര്‍ സംസാരിച്ചു. 120 ഓളം കുട്ടികള്‍ പരിപാടിയില്‍ രജിസ്റ്റര്‍ ചെയ്ത് ക്ലാസില്‍ പങ്കെടുത്തു.