പൂക്കള മത്സരവും ഓണസദ്യയും കലാവിരുന്നും; ഓണാഘോഷ പരിപാടിയുമായി കൊയിലാണ്ടി ബാര്‍ അസോസിയേഷനും കോടതി ജീവനക്കാരും
കൊയിലാണ്ടി: ബാര്‍ അസോസിയേഷന്റെയും കോടതി ജീവനക്കാരുടെയും അഭിഭാഷക ക്ലാര്‍ക്ക് മാരുടെയും സംയുക്ത ആഭിമുഖ്യത്തില്‍ ഓണാഘോഷം സംഘടിപ്പിച്ചു. കൊയിലാണ്ടി കോടതിയിലെ വിവിധ വിഭാഗങ്ങള്‍ക്കിടയില്‍ പൂക്കള മത്സരവും തുടര്‍ന്ന് ഓണസദ്യയും കലാപരിപാടികളും സംഘടിപ്പിച്ചു.
പരിപാടികളില്‍ സബ് ജഡ്ജ് വിശാഖ്, രവീണ നാസ്, മജിസ്‌ട്രേറ്റ് അജി കൃഷ്ണന്‍, ബാര്‍ അസോസിയേഷന്‍ പ്രസിഡന്റ് അഡ്വക്കേറ്റ് ജതീഷ് ബാബു, സെക്രട്ടറി അഡ്വക്കേറ്റ് പ്രഭാകരന്‍ സ്റ്റാഫ് അസോസിയേഷന്‍ ഭാരവാഹികള്‍, ക്ലര്‍ക്ക് അസോസിയേഷന്‍ പ്രസിഡന്റ് രവീന്ദ്രന്‍, സെക്രട്ടറി എ.മോഹനന്‍ എന്നിവര്‍ സംബന്ധിച്ചു.