ഓണത്തിന് കുറഞ്ഞ നിരക്കില്‍ ഭക്ഷ്യവസ്തുക്കള്‍ വാങ്ങാം; ചിങ്ങപുരം സി.കെ.ജി പൂര്‍വ്വ വിദ്യാര്‍ഥി കൃഷിക്കൂട്ടത്തിന്റെ ഓണച്ചന്തയും കലാമേളയും ആഗസ്റ്റ് 19
തിക്കോടി: സി.കെ.ജി. മിത്രങ്ങള്‍ ‘ഒരു വട്ടം കൂടി’യുടെ കീഴില്‍ ആരംഭിച്ച, സി.കെ.ജി. പൂര്‍വ്വ വിദ്യാര്‍ത്ഥി
കൃഷിക്കൂട്ടം സംഘടിപ്പിക്കുന്ന ഓണചന്തയും കലാമേളയും ആഗസ്റ്റ് 19 ന് നടക്കും. ഭഷ്യവസ്തുക്കള്‍ ഏറ്റവും കുറഞ്ഞ നിരക്കില്‍ ജനങ്ങള്‍ക്ക് എത്തിക്കുക എന്നതാണ് ലക്ഷ്യം. ഈ കൂട്ടായ്മയുടെ കീഴില്‍ നേന്ത്രവാഴ കൃഷിയും മരച്ചീനി കൃഷിയും ചെണ്ട് മല്ലി കൃഷിയും നടന്നു വരുന്നുണ്ട്.
ഓണച്ചന്ത ശനിയാഴ്ച രാവിലെ 10 മണിക്ക് മൂടാടി ഗ്രാമ പഞ്ചായത്ത് പ്രസിഡന്റ് സി.കെ.ശ്രീകുമാര്‍ ഉദ്ഘാടനം ചെയ്യും. യോഗത്തില്‍ ശശി.എസ്.നായര്‍, (സി.കെ.ജി പൂര്‍വ്വ വിദ്യാര്‍ത്ഥി കൃഷിക്കൂട്ടം ചെയര്‍മാന്‍), എം കെ മോഹനന്‍ (16 ആം വാര്‍ഡ് മെമ്പര്‍) തുടങ്ങിയവര്‍ പങ്കെടുക്കും.
രാഷ്ട്രീയ, സാമൂഹ്യ രംഗത്തുള്ള പ്രമുഖര്‍ പങ്കെടുക്കുന്ന യോഗത്തില്‍ കലാമേള യുവ കവിയത്രി റഷീദ ഇസ്ഹാഖ് ഉദ്ഘാടനം ചെയ്യും. ശശി എസ്.നായര്‍, രൂപേഷ് തിക്കോടി, വത്സന്‍ കോഴിപ്പുറം, ഗഫൂര്‍ എന്നിവര്‍ പത്രസമ്മേളനത്തില്‍ പങ്കെടുത്തു.