42 കാഡറ്റുകള്‍ അണിനിരന്നു; വര്‍ണ്ണശബളമായ അന്തരീക്ഷത്തില്‍ പന്തലായനി ഗവ.ഹയര്‍ സെക്കണ്ടറി സ്‌കൂളിലെ സ്റ്റുഡന്റ്‌സ് കാഡറ്റുകളുടെ പാസിങ് പരേഡ്
കൊയിലാണ്ടി: പന്തലായനി ഗവ.ഹയര്‍ സെക്കണ്ടറി സ്‌കൂളില്‍ പ്രഥമ സ്റ്റുഡന്റ്‌സ് കാഡറ്റുകളുടെ പാസ്സിങ്ങ് പരേഡ് ഔട്ട് വന്‍ ജനാവലികളുടെ സാന്നിധ്യത്തില്‍ വര്‍ണ്ണശബളമായ ഉത്സവാന്തരീക്ഷത്തില്‍ നടന്നു. മുഖ്യാതിഥിയായിരുന്ന കാനത്തില്‍ ജമീല എം.എല്‍.എ കാഡറ്റുകളുടെ സല്യൂട്ട് സ്വീകരിച്ചു.
പരിശീലനം പൂര്‍ത്തിയാക്കിയ 42 കാഡറ്റുകളാണ് പരേഡില്‍ പങ്കെടുത്തത്. മികച്ച കാഡറ്റുകള്‍ക്കുള്ള പുരസ്‌കാര വിതരണവും പരിപാടിയില്‍ നടന്നു. നഗരസഭ അധ്യക്ഷ സുധ കിഴക്കെപ്പാട്ട്, പൊലീസ് എസ്.ഐ. വി. അനീഷ്, കൗണ്‍സിലര്‍ പ്രജിഷ, പി.ടി.എ.പ്രസിഡന്റ് സുരേഷ് ബാബു, പ്രിന്‍സിപ്പല്‍ എ.പി.പ്രബീത്, പ്രധാനാധ്യാപിക എം.കെ.ഗീത, എസ്.പി.സി. പി.ടി.എ പ്രസിഡന്റ് ശ്രീ മണി, സ്റ്റാഫ് സെക്രട്ടറി ശ്രീജ എന്നിവര്‍ സന്നിഹിതരായിരുന്നു. പൊലീസ് ഉദ്യോഗസ്ഥരായ ബിജീഷ്, മണികണ്ഡന്‍, രാഗി, യൂണിറ്റ് ചാര്‍ജ്ജുള്ള അധ്യാപകരായ ജെറോം ഫെര്‍ണാണ്ടസ്, കെ.എം.റീന എന്നിവര്‍ മാര്‍ഗ്ഗ നിര്‍ദ്ദേശങ്ങള്‍ നല്‍കി.