വടകരയില്‍ വീടിനു സമീപം നിര്‍ത്തിയ സ്‌കൂട്ടര്‍ അജ്ഞാതര്‍ തീയിട്ടു
വടകര: പുതുപ്പണം കോട്ടക്കടവ് പാറക്കണ്ടി റോഡില്‍ വീടിനു സമീപം നിര്‍ത്തിയ സ്‌കൂട്ടര്‍ കത്തിനശിച്ച നിലയില്‍. കണ്ണൂര്‍ ജിഎസ്ടിയില്‍ ജോലി ചെയ്യുന്ന റാസ് മഹലില്‍ റഷീദിന്റെ സ്‌കൂട്ടറാണ് അജ്ഞാതര്‍ അഗ്‌നിക്കിരയാക്കിയത്. വ്യാഴാഴ്ച്ച പുലര്‍ച്ചെ നാലു മണിയോടെയാണ് സംഭവം.
പുറത്ത് തീ ആളിപ്പടരുന്നത് കണ്ട് വീട്ടുകാര്‍ എത്തുമ്പോഴേയ്ക്കും വാഹനം പൂര്‍ണ്ണമായും കത്തി നശിച്ചിരുന്നു. കാരണം വ്യക്തമല്ല.
വടകര പോലീസ് സ്ഥലത്തെത്തി പരിശോധന നടത്തി. സംഭവത്തില്‍ കേസെടുത്ത് അന്വേഷണം ആരംഭിച്ചു.