കൊയിലാണ്ടി: സാമൂഹ്യ സാംസ്കാരിക പൊതുമണ്ഡലങ്ങളിൽ വ്യക്തിമുദ്ര പതിപ്പിച്ച ഇ.കെ ഗോവിന്ദൻ നായർക്ക് ആദരവുമായി കെ.എസ്.എസ്.പി.യു പന്തലായിനി ബ്ലോക്ക് കമ്മിറ്റി. കേരള സർവീസ് പെൻഷനേഴ്സ് യൂണിയൻ പന്തലായനി ബ്ലോക്ക് വൈസ് പ്രസിഡന്റും സാംസ്കാരിക സമിതി കൺവീനറുമായ ഗോവിന്ദൻ നായർ സീനിയർ സിറ്റിസൺസ് ഫോറം സാക്ഷരതാ പ്രവർത്തനം, പാലിയേറ്റീവ് രംഗം തുടങ്ങി വിവിധ മേഖലകളില്‍ സജീവമാണ്.

മികച്ച അധ്യാപകന്‍ കൂടിയായ അദ്ധേഹത്തിന് വിവിധ മേഖലകളിലെ സമഗ്ര സംഭാവനകള്‍ പരിഗണിച്ച് കീര്‍ത്തി മുദ്രകളും, പുരസ്‌ക്കാരങ്ങളും ലഭിച്ചിട്ടുണ്ട്. കെ. കേളപ്പനോടൊപ്പം ഏറെക്കാലം സര്‍വ്വോദയ പ്രസ്ഥാനത്തിലും പ്രവര്‍ത്തിച്ചിട്ടുണ്ട്‌.

ചടങ്ങ്‌ സംസ്ഥാന സെക്രട്ടറി ടി.വി ഗിരിജ ഉദ്ഘാടനം ചെയ്തു. പ്രസിഡന്റ്‌ എൻ.കെ മാരാർ അധ്യക്ഷത വഹിച്ചു. ടി സുരേന്ദ്രൻ മാസ്റ്റർ, ഇ.ഗംഗാധരൻ നായർ, ചേനോത്ത് ഭാസ്കരൻ, കെ ബാലകൃഷ്ണൻ കിടാവ്, വി.പി ഭാസ്കരൻ മാസ്റ്റർ, എ.ഹരിദാസ്, പി.ബാലഗോപാൽ, ടി.വേണുഗോപാൽ, പി.എൻ ശാന്തമ്മ ടീച്ചർ, വി.എം ലീല ടീച്ചർ, വി.പി ബാലകൃഷ്ണൻ മാസ്റ്റർ തുടങ്ങിയവർ സംസാരിച്ചു.