കനത്ത മഴയില്‍ അത്തോളി വേളൂരില്‍ മരംമുറിഞ്ഞ് റോഡിലേക്ക് വീണു; ഗതാഗതം തടസപ്പെട്ടു
ഉള്ള്യേരി: കനത്ത മഴയില്‍ അത്തോളി വേളൂരില്‍ മരം മുറിഞ്ഞ് റോഡിലേക്ക് വീണു. ഇന്ന് രാവിലെ ഏഴുമണിയോടെയായിരുന്നു സംഭവം. ഇതേത്തുടര്‍ന്ന് ഇതുവഴിയുള്ള വാഹനഗതാഗതം തടസപ്പെട്ടു.
കൊയിലാണ്ടിയില്‍ നിന്നും അഗ്നിരക്ഷാ സേന സ്ഥലത്തെത്തിയാണ് മരക്കൊമ്പുകള്‍ മുറിച്ചുമാറ്റി ഗതാഗതം പുനസ്ഥാപിച്ചത്. ഗ്രേഡ് എ.എസ്.ടി.ഒ മജീദ്.എം, ഫയര്‍ ആന്റ് റസ്‌ക്യൂ ഓഫീസര്‍മാരായ ഇര്‍ഷാദ്.പി.കെ, എന്‍.പി.സനല്‍ രാജ്, റഷീദ് കെ.പി, ഹോം ഗാര്‍ഡ് ബാലന്‍ ടി.പി എന്നിവര്‍ പ്രവര്‍ത്തനത്തില്‍ ഏര്‍പ്പെട്ടു.