നിങ്ങളുടെ വിശേഷദിനങ്ങളില്‍ പുസ്തകത്തൊട്ടിലിന്റെ കാര്യം മറക്കേണ്ട; സ്‌കൂള്‍ ലൈബ്രറിയിലേക്ക് പുസ്തകങ്ങള്‍ ശേഖരിക്കുന്ന ‘പുസ്തത്തൊട്ടില്‍’ പരിപാടിയുമായി കൊല്ലം യു.പി സ്‌കൂള്‍
കൊയിലാണ്ടി: വായനാ ദിനത്തില്‍ സ്‌കൂള്‍ ലൈബ്രറിയിലേക്ക് പുസ്തകങ്ങള്‍ ശേഖരിക്കുന്ന പരിപാടി പുസ്തകത്തൊട്ടില്‍ സംഘടിപ്പിച്ച് കൊല്ലം യു.പി സ്‌കൂള്‍. ജന്‍മദിനത്തിലും, മറ്റ് വിശേഷാല്‍ ദിനങ്ങളിലും കുട്ടികളില്‍ നിന്നും പുസ്തകങ്ങള്‍ സ്വീകരിക്കുകയെന്നതാണ് പരിപാടിയിലൂടെ ലക്ഷ്യമിടുന്നത്.
പുസ്തകത്തൊട്ടിലിന്റെ ഉദ്ഘാടനം ഷര്‍ഷാദ് കെ.പി.നിര്‍വഹിച്ചു. വായനാദിന ഉദ്ഘാടനം കൊയിലാണ്ടി നഗരസഭ കൗണ്‍സിലര്‍ കെ.എം.നന്ദനന്‍ നിര്‍വഹിച്ചു. പി.ടി.എ പ്രസിഡണ്ട് സി.പി.ഷിജേഷ് അധ്യക്ഷനായി. ലൈബ്രറി പ്രവര്‍ത്തകന്‍ പി. രാജേന്ദ്രന്‍, സ്‌കൂള്‍ മാനേജര്‍ കൊടക്കാട്ട് രാജീവന്‍ എന്നിവര്‍ സംസാരിച്ചു. ഹെഡ്മിസ്ട്രസ് ജീസ്‌ന.എം സ്വാഗതവും വിദ്യാരംഗം കണ്‍വീനര്‍ ലിന്‍സി.എസ് നന്ദിയും രേഖപ്പെടുത്തി.