കൊയിലാണ്ടി: കൊയിലാണ്ടിയില്‍ റെയില്‍വേ ട്രാക്കില്‍ പുള്ളിമാന്റെ ജഡം കണ്ടെത്തി. മേലൂര്‍ ആന്തട്ട ക്ഷേത്രത്തിന് സമീപമാണ് പുള്ളിമാനിനെ റെയില്‍വേ ട്രാക്കിന് മുകളില്‍ മരിച്ച നിലയില്‍ കണ്ടെത്തിയത്.

ആന്തട്ട ക്ഷേത്രത്തിന് മുന്‍വശം റെയില്‍വേ ട്രാക്കിലാണ് മാനിന്റെ ജഡം ശ്രദ്ധയില്‍പ്പെട്ടത്. ഈ പ്രദേശത്ത് മുമ്പെങ്ങും മാനിനെ കണ്ടിട്ടില്ലെന്നാണ് പ്രദേശവാസികള്‍ പറയുന്നത്.

നാട്ടുകാര്‍ വിവരം അറിയിച്ചതിനെ തുടര്‍ന്ന് പെരുവണ്ണാമൂഴിയില്‍ നിന്നും ഫോറസ്റ്റ് ഉദ്യോഗസ്ഥര്‍ സ്ഥലത്തെത്തും. മാനിന്റെ ജഡം ട്രാക്കില്‍ നിന്നും കുറച്ച് അകലേക്ക് മാറ്റിയിട്ടുണ്ട്.

മാനിനെ ട്രാക്കില്‍ കണ്ടെത്തിയ വിവരം അറിഞ്ഞ് കൊയിലാണ്ടിയുടെ പല ഭാഗത്തുനിന്നും ആളുകള്‍ ഇവിടെ എത്തുന്നുണ്ട്. മുമ്പെങ്ങും കൊയിലാണ്ടിയില്‍ കണ്ടിട്ടില്ലാത്ത പുള്ളിമാന്‍ ഇവിടെ എങ്ങനെ എത്തിയെന്ന അതിശയത്തിലാണ് പലരും.