ആനക്കുളത്തെ മോഷണം, പിഷാരികാവ് കാളിയാട്ട ചിത്രങ്ങൾ; ഇന്ന് വായിച്ചിരിക്കേണ്ട 5 വാർത്തകൾ
കൊയിലാണ്ടി: ആനക്കുളത്ത് നിർത്തിയട്ട ഓട്ടോറിക്ഷയിൽ മോഷണം, കാളിയാട്ടത്തിന്റെ മനോഹര ചിത്രങ്ങൾ, വെെദ്യുതി മുടക്കും തുടങ്ങി കൊയിലാണ്ടി മേഖലയിലെ പ്രധാനപ്പെട്ട വാർത്തകൾ എന്തെല്ലാമെന്ന് നോക്കാം.
”സന്തോഷത്തില്‍ ഒരു സ്ത്രീയുടെ ഉറക്കെയുള്ള കരച്ചിലാണ് അപ്പുറത്തുനിന്നും കേട്ടത്”; നന്മയുടെ പ്രതീകമായി മാറിയ ബാലുശ്ശേരിയിലെ മൂന്ന് യുവാക്കളെ പരിചയപ്പെടുത്തി പൊലീസുകാരന്റെ കുറിപ്പ്
ബാലുശ്ശേരി: അധ്വാനത്തിന്റെ വില അറിയാത്തവരായായും പൈസയുടെ മൂല്യമറിയാത്തവരായും പുതുതലമുറയെ കുറ്റപ്പെടുത്തുന്നവരുണ്ട്. എന്നാല്‍ അതിനുമപ്പുറം മനുഷ്യരെ അതിശയിപ്പിക്കുന്ന യുവതയുടെ നന്മയെക്കുറിച്ചും സഹജീവി ബോധത്തെക്കുറിച്ചൊന്നും അധികമാരും പറഞ്ഞുകേള്‍ക്കാറില്ല. എന്നാല്‍ അത്തരമൊരു അനുഭവം പങ്കുവെച്ചിരിക്കുകയാണ് ബാലുശ്ശേരി സ്റ്റേഷനിലെ പൊലീസ് ഓഫീസര്‍. റോഡരികില്‍ നിന്ന് കിട്ടിയ വലിയ തുക അടങ്ങിയ കവര്‍ പൊലീസിന് ഏല്‍പ്പിച്ച് അതിന്റെ ഉടമസ്ഥയെ കണ്ടെത്തിയെത്തിച്ച മൂന്ന് യുവാക്കളെയാണ് അദ്ദേഹം പരിചയപ്പെടുത്തുന്നത്.
തൊപ്പി ധരിച്ചെത്തി, ഓട്ടോ റിക്ഷയ്ക്കടുത്തെത്തി ബാഗുമായി മുങ്ങിയത് നിമിഷനേരത്തിനകം; വലിയ വിളക്ക് ദിവസം കൊല്ലം ആനക്കുളത്ത് നടന്ന മോഷണത്തിന്റെ സി.സി.ടി.വി ദൃശ്യങ്ങള്‍ പുറത്ത്
കൊയിലാണ്ടി: പിഷാരികാവ് കാളിയാട്ട മഹോത്സവത്തിനെത്തിയ പേരാമ്പ്ര മരുതേരി സ്വദേശിയുടെ ബാഗ് മോഷ്ടിക്കുന്ന ദൃശ്യങ്ങള്‍ പുറത്ത്. കൊല്ലം ആനക്കുളത്തുള്ള ഗ്യാലക്‌സി ഫര്‍ണിച്ചറിന് മുന്നില്‍ ഓട്ടോറിക്ഷ നിര്‍ത്തി വെള്ളം കുടിക്കാനായി പുറത്തിറങ്ങിയ സമയത്ത് ഓട്ടോയുടെ പിറകില്‍ നിന്നും ബാഗുമായി മോഷ്ടാവ് രക്ഷപ്പെടുകയായിരുന്നു. സംഭവത്തിന്റെ സി.സി.ടി.വി ദൃശ്യങ്ങള്‍ പുറത്തുവന്നിട്ടുണ്ട്.
ജനസഞ്ചയമൊഴുകിയെത്തി, ഭക്തിസാന്ദ്രമായി കാളിയാട്ടം; കാളിയാട്ടദിനത്തിലെ പിഷാരികാവില്‍ നിന്നുള്ള ചിത്രങ്ങള്‍ കാണാം
കൊയിലാണ്ടി: കൊല്ലം ശ്രീ പിഷാരികാവ് കാളിയാട്ട മഹോത്സവം ഇന്നലെ വാളകം കൂടല്‍ ചടങ്ങോടെ സമാപിച്ചു. വലിയ വിളക്കിനും കാളിയാട്ടത്തിനും ആയിരങ്ങളാണ് എത്തിയത്. കാളിയാട്ട ദിനത്തിലെ ചടങ്ങുകളുടെ അഭിറാം മനോജ് പകര്‍ത്തിയ ചിത്രങ്ങള്‍ കാണാം.
കൊയിലാണ്ടിയിലെ വിവിധ ഭാഗങ്ങളിൽ നാളെ വെെദ്യുതി മുടങ്ങും
കൊയിലാണ്ടി: കൊയിലാണ്ടിയിലെ വിവിധ ഭാഗങ്ങളിൽ നാളെ വെെദ്യുതി മുടങ്ങും. കൊയിലാണ്ടി നോർത്ത് സെക്ഷൻ പൂർണമായും സൗത്ത് സെക്ഷന് കീഴിലെ പൂക്കാട് ഭാഗികമായും വെെദ്യുതി വിതരണം തടസപ്പെടും.