പേരാമ്പ്രയില്‍ എംഡിഎംഎയും കഞ്ചാവുമായി പെരുവണ്ണാമുഴി സ്വദേശി പിടിയില്‍
പേരാമ്പ്ര: എംഡിഎംഎയും കഞ്ചാവുമായി പേരാമ്പ്രയില്‍ ഇരുപത്തിമൂന്നുകാരന്‍ പിടിയില്‍. പെരുവണ്ണാമുഴി എസ്റ്റേറ്റ് മുക്ക് സ്വദേശി ആല്‍ബിന്‍ സെബാസ്റ്റ്യന്‍ ആണ് പിടിയിലായത്.
ഇന്നലെ ചക്കിട്ടപാറ പെരുവണ്ണാമുഴിയില്‍ വച്ചാണ് ഇയാള്‍ പേരാമ്പ്ര എക്‌സൈസ് സംഘത്തിന്റെ പിടിയിലായത്. ഇയാളുടെ കൈവശം നിന്നും 400 മില്ലിഗ്രാം എംഡിഎംഎയും 40 ഗ്രാം കഞ്ചാവുമാണ് കണ്ടെടുത്തത്. ലഹരി വസ്തുക്കള്‍ കടത്താന്‍ ഉപയോഗിച്ച റോയല്‍ എന്‍ഫീല്‍ഡ് ബുള്ളറ്റും പിടികൂടി.
പേരാമ്പ്ര എക്‌സൈസ് ഓഫീസിലെ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ സുദീപ് കുമാര്‍ എന്‍.പിയും സംഘവും ചേര്‍ന്ന് പ്രതിയെ അറസ്റ്റ് ചെയ്തത്. പ്രിവന്റീവ് ഓഫീസര്‍ സബീര്‍ അലി പി.കെ, പ്രിവേന്റീവ് ഓഫീസര്‍ ഗ്രേഡ് ജയരാജ്, സിവില്‍ എക്‌സൈസ് ഓഫിസര്‍മാരായ രഘുനാഥ്, ഷബീര്‍ എന്നിവരും സംഘത്തിലുണ്ടായിരുന്നു.