14 വര്‍ക്കിങ് ഗ്രൂപ്പുകളില്‍ പദ്ധതി രേഖ ചര്‍ച്ച ചെയ്തു; 2023-24 വര്‍ഷത്തെ പദ്ധതി രൂപീകരണത്തിന് മുന്നോടിയായി മൂടാടിയില്‍ വികസന സെമിനാര്‍
മൂടാടി: പതിനാലാം പദ്ധതിയുടെ ഭാഗമായ 2023-24 വര്‍ഷത്തെ പദ്ധതി രൂപീകരണത്തിന്റെ ഭാഗമായി മൂടാടി പഞ്ചായത്തില്‍ വികസന സെമിനാര്‍ സംഘടിപ്പിച്ചു. ജില്ലാ പഞ്ചായത്ത് വൈസ് പ്രസിഡന്റ് എം.പി.ശിവാനന്ദന്‍ സെമിനാര്‍ ഉദ്ഘാടനം ചെയ്തു.
പഞ്ചായത്ത് പ്രസിഡന്റ് സി.കെ.ശ്രീകുമാര്‍ അധ്യക്ഷത വഹിച്ചു. ബ്ലോക് വികസന സ്റ്റാന്റിഗ് കമ്മിറ്റി ചെയര്‍മാന്‍ കെ.ജി വാനന്ദന്‍ മാസ്റ്റര്‍ പദ്ധതി രേഖ പ്രകാശനം ചെയ്തു. വികസന സ്റ്റാന്റിംഗ് കമ്മിറ്റി ചെയര്‍മാന്‍ പദ്ധതി വിശദീകരിച്ചു.
ബ്ലോക്ക് മെമ്പര്‍മാരായ സുഹ്‌റ ഖാദര്‍, ചൈത്ര വിജയന്‍, സ്ഥിരം സമിതി അധ്യക്ഷന്‍മാരായ എം.പി അഖില, ടി.കെ ഭാസ്‌കരന്‍, മെമ്പര്‍മാരായ പപ്പന്‍ മൂടാടി, റഫീഖ് പുത്തലത്ത്, രാഷ്ട്രീയ പാര്‍ട്ടി നേതാക്കളായ കെ.സത്യന്‍, രാമചന്ദ്രന്‍ കൊയിലോത്ത്, ചേനോത്ത് ഭാസ്‌കരന്‍ മാസ്റ്റര്‍, കെ.എം കുഞ്ഞിക്കണാരന്‍, കെ.പി.മോഹനന്‍ മാസ്റ്റര്‍, ഹുസൈന്‍ ഹാജി, സിറാജ് മുത്തായം, കെ.കെ. രഘുനാഥ് എന്നിവര്‍ സംസാരിച്ചു.
14 വര്‍ക്കിംഗ് ഗ്രൂപ്പുകളില്‍ പദ്ധതി രേഖ ചര്‍ച്ച നടന്നു. വൈസ് പ്രസിഡന്റ് ഷീജ പട്ടേരി സ്വാഗതവും സെക്രട്ടറി എം. ഗിരീഷ് നന്ദി പറഞ്ഞു.