ശ്രീജിത്ത് വിയ്യൂര്‍, ശ്രീകുമാര്‍ കൊയിലാണ്ടി… ജില്ലയിലെ പ്രശസ്ത മാന്ത്രികര്‍ ഒത്തുകൂടി; മജീഷ്യന്‍സ് അസോസിയേഷന്‍ ജില്ലാ സമ്മേളനം കൊയിലാണ്ടിയില്‍
കൊയിലാണ്ടി: മലയാളി മജീഷ്യന്‍സ് അസോസിയേഷന്‍ ജില്ലാ സമ്മേളനം മുതിര്‍ന്ന മാന്ത്രികന്‍ ശ്രീധരന്‍ വിയ്യൂര്‍ ഉദ്ഘാടനം ചെയ്തു. ഡോ.വിബിന്‍ അദ്ധ്യക്ഷനായി. മജീഷ്യന്‍ പ്രദീപ് ഹൂഡിനോ മുഖ്യപ്രഭാഷണം നടത്തി.
നഗരസഭാ വൈസ് ചെയര്‍മാന്‍ കെ.സത്യന്‍, വണ്ടൂര്‍ മുരളി, മാന്ത്രികരായ നിലമ്പൂര്‍ പ്രദീപ്കുമാര്‍, ജോസഫ് സേബ, ഇസാഖ് പോരൂര്‍, നാണു കുറ്റ്യാടി, വിജയന്‍ കടത്തനാട് എന്നിവര്‍ സംസാരിച്ചു. മാന്ത്രികരായ ശ്രീജിത്ത് വിയ്യൂര്‍, ശ്രീകുമാര്‍ കൊയിലാണ്ടി, രാജീവ് മേമുണ്ട, പ്രകാശ് ഓറിയോണ്‍, മുസ്തഫ എടവണ്ണ, പ്രശാന്ത് വേങ്ങാട്, എന്നിവര്‍ മാജിക് ഷോ അവതരിപ്പിച്ചു.
ഭാരവാഹികളായി ശ്രീകുമാര്‍ കൊയിലാണ്ടി (പ്രസി), ചക്രപാണി കുറ്റ്യാടി (വൈസ് പ്രസി), വണ്ടൂര്‍ മുരളി (സെക്രട്ടറി), ഷിയാ എയ്ഞ്ചല്‍ (ജോ. സെക്ര), തേജസ് പെരുമണ്ണ (ട്രഷറര്‍) എന്നിവരെ തിരഞ്ഞെടുത്തു.