കൊയിലാണ്ടി: കഴിഞ്ഞ ദിവസത്തെ വാഹന മോഷണത്തിൽ നറുക്ക് വീണത് ഗുഡ്‌സ് ഓട്ടോയ്ക്കായിരുന്നു. വാഹന മോഷണം തുടർക്കഥയായ കൊയിലാണ്ടിയിൽ ഗുഡ്സ് ഓട്ടോ മോഷണം പോയതായി പരാതി. കൊരയങ്ങാട് തെരുവിലെ വലിയ പുരയിൽ ബാലൻ്റെ ഉടമസ്ഥതയിലുള്ള ഗുഡ്‌സ് ഓട്ടോ ആണ് നഷ്ടമായത്.

കഴിഞ്ഞ ദിവസം പുലർച്ചെയാണ് മോഷണം നടന്നത്. KL 56-7994 നമ്പർ ഗുഡ്സ് ഓട്ടോ വീടിന് മുന്നിൽ നിർത്തിയിട്ടിരിക്കുകയായിരുന്നു. കൊയിലാണ്ടി പോലീസിൽ പരാതി നൽകിയിട്ടുണ്ട് പോലീസ് അന്വേഷണം ആരംഭിച്ചെങ്കിലും തുമ്പൊന്നും ലഭിച്ചില്ല. കൊയിലാണ്ടിയിൽ ഇത് പോലെ മുന്നോളം ഗുഡ്സ് ഓട്ടോ മോഷണം പോയതായി ഗുഡ്സ് ഓട്ടോ ഡ്രൈവർമാർ പറയുന്നു.

ബൈക്ക് മോഷണവും കൊയിലാണ്ടിയിൽ വ്യാപകമായിട്ടുണ്ട് വാഹനമോഷണങ്ങൾ പതിവായി മാറിയിരിക്കുകയാണെന്നും. മോഷണം തടയാൻപോലീസ് ആവശ്യമായ നടപടികൾ സ്വീകരിക്കണമെന്നും ആവശ്യം വ്യാപകമായി ഉയർന്നിട്ടുണ്ട്.