ഓര്‍മ്മകള്‍ പങ്കുവെച്ചും കലാപരിപാടികള്‍ ഒരുക്കിയും അവര്‍ ഒത്തുകൂടി; കേരള സ്റ്റേറ്റ് സര്‍വ്വീസ് പെന്‍ഷനേഴ്‌സ് യൂണിയന്റെ കുടുംബസംഗമം ചെങ്ങോട്ടുകാവില്‍
കൊയിലാണ്ടി: കേരള സ്റ്റേറ്റ് സര്‍വ്വീസ് പെന്‍ഷനേഴ്‌സ് യൂണിയന്‍ ചെങ്ങോട്ടുകാവ് യൂണിറ്റിന്റെ ആഭിമുഖ്യത്തില്‍ കുടുംബ സംഗമം സംഘടിപ്പിച്ചു. ചെങ്ങോട്ടുകാവ് ആന്തട്ട യു.പി.സ്‌കൂളില്‍ നടന്ന സംഗമം കാനത്തില്‍ ജമീല എം.എല്‍.എ. ഉദ്ഘാടനം ചെയ്തു.
യൂണിറ്റ് പ്രസിഡന്റ് കെ.ഗീതാനന്ദന്‍ അധ്യക്ഷത വഹിച്ചു. ഗ്രാമ പഞ്ചായത്തംഗം സുധ കാവുങ്കല്‍, കെ.എസ്.എസ്.പി.യു സംസ്ഥാന കമ്മിറ്റി അംഗം ടി.വി.ഗിരിജ, സെക്രട്ടറി എം.പി.പ്രകാശന്‍, സ്‌കൂള്‍ പ്രധാനാധ്യാപകന്‍ എം.ജി.ബല്‍രാജ്, ഇ.കെ.ഗോവിന്ദന്‍ പി.ബാലഗോപാലന്‍ എന്നിവര്‍ സംസാരിച്ചു.
ലഹരിവിരുദ്ധ ബോധവത്കരണ ക്ലാസും കുടുംബസംഗമത്തിന്റെ ഭാഗമായി സംഘടിപ്പിച്ചു. തുടര്‍ന്ന് കുടുംബാംഗങ്ങളുടെ കലാപരിപാടികള്‍ അരങ്ങേറി.