ബൈപ്പാസ് നിര്‍മ്മിക്കുന്ന വാഗാഡ് കമ്പനിയുടെ ലോറി മത്സ്യവില്‍പ്പനക്കാരന്റെ സ്‌കൂട്ടറില്‍ ഇടിച്ച് നിര്‍ത്താതെ പോയി, പിന്തുടര്‍ന്ന് ലോറി പിടികൂടി നാട്ടുകാര്‍; അപകടം പാലൂരില്‍
തിക്കോടി: പാലൂരില്‍ വാഹനാപകടം. മത്സ്യവില്‍പ്പനക്കാരന്റെ സ്‌കൂട്ടറില്‍ ലോറി ഇടിച്ചാണ് അപകടമുണ്ടായത്. നന്തി-ചെങ്ങോട്ടുകാവ് ബൈപ്പാസ് നിര്‍മ്മിക്കുന്ന വാഗാഡ് കമ്പനിയുടെ ലോറിയാണ് അപകടമുണ്ടാക്കിയത്.
പരിക്കേറ്റ മത്സ്യവില്‍പ്പനക്കാരനെ ആശുപത്രിയില്‍ പ്രവേശിപ്പിച്ചു. സ്‌കൂട്ടറില്‍ ഇടിച്ച ശേഷം ലോറി നിര്‍ത്താതെ പോയി. തുടര്‍ന്ന് ലോറിയുടെ പിന്നാലെ പോയ നാട്ടുകാര്‍ നന്തിയില്‍ വച്ച് ലോറി തടയുകയായിരുന്നു.
വൈകീട്ട് മൂന്നരയോടെയായിരുന്നു അപകടം. വടകര ഭാഗത്തേക്ക് മത്സ്യവുമായി പോകുകയായിരുന്ന സ്‌കൂട്ടറിലാണ് ലോറി ഇടിച്ചത്. ഇടിയുടെ ആഘാതത്തില്‍ സ്‌കൂട്ടറിലുണ്ടായിരുന്ന മത്സ്യം മുഴുവന്‍ റോഡില്‍ ചിതറിത്തെറിച്ചു.