കൊയിലാണ്ടി: മഴ തകർത്ത് പെയ്യാൻ തുടങ്ങിയതോടെ വെള്ളത്തിലായി കൊയിലാണ്ടയിലെ വിവിധ പ്രദേശങ്ങൾ. പ്രത്യേകിച്ച് താഴ്ന്ന പ്രദേശങ്ങളാണ് വെള്ളത്തിലായത്. വിവിധ റോഡുകളും വെള്ളത്തിലായതോടെ യാത്രയും ദുരിതത്തിലായി. കൊയിലാണ്ടി കൊരയങ്ങാട് വാർഡിലെ അമ്പാടി റോഡ് പൂർണ്ണമായും വെള്ളത്തിലായി. നടേലക്കണ്ടി റോഡ്, സ്റ്റേഡിയത്തിനു പിറകുവശത്തെ റോഡും വെള്ളക്കെട്ടിലായി.

വയൽ പുര ഭാഗത്തെ നിരവധി വീടുകളും വെള്ളത്തിലായി. നടേലക്കണ്ടി രാജീവൻ, ബാലകൃഷ്ണ പണിക്കർ, ഡോ.അനുദേവാനന്ദ്, ഷർഷാദ് തുടങ്ങിയവരുടെ വീടുകളും വെള്ളത്തിലായി അവസ്ഥയിലാണ്.

‘കഴിഞ്ഞ കുറെ വർഷങ്ങളായി മഴക്കാലത്ത് ദുരിതം തുടരുകയാണ്’ വീട്ടുടമകൾ പറഞ്ഞു. വെള്ളക്കെട്ടുയരുന്നതോടെ പ്രദേശ വാസികളുടെ ആശങ്കകളും ഉയരുകയാണ്.